-O CAMIÑO A PRESIDENCIA-
Mauro renuncia a presentarse como candidato a presidencia.
-Mauro Silva anuncia nunha carta o deportivismo que non se presentará a presidencia do Deportivo–
-Fernando Vidal anuncia a sua candidatura-
Tal como apuntábamos onte, non creíamos que Mauro Silva deixase tódolos seus compromisos en Brasil para vir para a Coruña a presentarse como candidato a presidencia do RC Deportivo, e así foi. No día de hoxe, nunha carta o deportivismo no seu Facebook anuncia que por estar comprometido coa Federación Paulista de Fútbol da que é vicepresidente e pola promesa que lle fixo aos máis de 100 clubes que a forman, non será candidato a presidencia do Deportivo. Abrindo a nova o completo tedes a carta o completo. O que sí deu un paso adiante e eso que xa se daba en algún medio que non se presentaría é o ex diretivo de Tino Fernández, Fernado Vidal, que o parecer anunciou que : “se non vemos que se presente un candidato que ilusione ao deportivismo, presentarémonos na vindeira semana”. Ese candidato que esperaban se presentase sería Mauro Silva, que confirmou que quen lle fixo a proposta foi Ignacio Rivera de Estrella Galicia. Abre a nova ao completo para ver a carta de Mauro.
Carta aos meus queridos deportivistas
A especial situación do noso Real Club Deportivo da Coruña, coa dimisión da Xunta Directiva e a necesaria elección doutra nova nun período tan curto de tempo, fixo que algúns accionistas e amigos, como Ignacio Rivera, conselleiro delegado de Estrela Galicia, todas elas persoas competentes e serias que queren ver ao club coruñés ocupando novamente o seu espazo de gloria no fútbol español, tivesen a xentileza de propoñerme a min como candidato á presidencia do noso Club, algo que de antemán agradezo pois denota afecto e recoñecemento á miña persoa, que fun, como de todos é sabido, xogador do equipo durante trece anos consecutivos, achegando todo o meu entusiasmo e mocidade á consecución de logros deportivos inesquecibles: Liga, Copas do Rey e Supercopas. Ao acabar a miña carreira deportiva, fai xa catorce anos, regresei ao meu país de orixe e desde entón estudei para percorrer unha carreira no mercado do fútbol, de maneira profesional.
En 2015 asumín a vicepresidencia da Federación Paulista de Futbol ( FPF), un proxecto que me apaixona, cun gran interese humano, co que me comprometín ata o final. Máis recentemente, o ano pasado, fun elixido por aclamación vicepresidente da FPF, na candidatura encabezada polo Presidente Reinaldo Carneiro Bastos, un home serio e co compromiso de transformar o fútbol paulista. O noso mandato chega ata o ano 2022. Dese xeito, fixen un pacto cos case 100 clubs paulistas, asegurándolles unha xestión profesional da FPF, así como con xogadores e adestradores de São Paulo. Cumprir os meus compromisos é algo que marcou a miña vida. Non fará falta lembrar que así foi cando na miña etapa de xogador non atendín propostas de clubs de maior potencial económico que o noso, e cumprín os meus contratos co Deportivo. E creo que esa mesma responsabilidade e o compromiso coa palabra dada deben guiar agora a miña decisión.
Quero acabar reiterando a miña gratitude a todos os que confían en min, na seguridade de que atoparán a outra persoa cun perfil máis adecuado que o meu para ocupar a presidencia do Deportivo, outra responsabilidade enorme que eu non podería atender sen faltar ao meu compromiso coa FPF, así como coa Secretaría de Deportes do Estado de Sao Paulo ou o Plenario da Autoridade Publica do Fútbol do Ministerio de Deportes de Brasil, entidades das que tamén son membro actualmente.
Un gran abrazo a toda A Coruña e a todo o deportivismo, co desexo do ascenso a Primeira División, do voso amigo eterno MAURO SILVA.
+++++++++++++++++++++++
-Se queres mandarnos algunha información e fotos de deportes, podes facelo no correo : info@piratasdemuxia.es–
-Debaixo das publicidades tes como contactar connosco
se queres axudarnos poñendo a túa-
-COLABORA COA NOSA WEB-
Queres que a tua publicidade salga en todas as nosas noticias?…
Por moi pouco a tua publicidade chegará a milleiros de persoas o día, pois somos o medio de maior difusión da Costa da Morte con moita diferenza e cun espectro de alcance de pobos e persoas, moi extenso, con máis de 60.000 usuarios rexistrados e antre 20.000 e 36.579 visitas o día, triplicando ao segundo medio de comunicación máis seguido e cuadruplicando o terceiro.
Se queres anunciarte connosco e colaborar ca nosa web, contacta connosco no email info@piratasdemuxia.es ou no teléfono : 626 72 00 47.
Consúltanos que tipo de publicidade queres, por un ano cobramos moito menos ca outras webs, radios ou xornais de menor seguimento.
