MANIFESTACIÓNS DE SALVA RUÍZ E RUBÉN DE LA BARRERA TRALO DEPOR 0-0 UNIONISTAS.

 

Rubén de la Barrera manifestou na sala de prensa de Riazor que “os resultados son froito dos procesos e do que fas ou non. E a realidade é que salvo dous desaxustes, controlamos o partido, levámolo a campo contrario, impedimos que o rival correse. É un partido claro no que estou moi orgulloso do traballo dos meus xogadores”.

Admite o técnico coruñés que “cando un non gana, eu levareime ostias por un tubo porque estou a defender un proceso e non o resultado. Pero teño algo de experiencia nisto. Sei que hai resultados que achegan a un ás vitorias e algunha vitoria seguramente achega ás derrotas. E o de hoxe (o resultado) teño claro que se ten que traducir en tres puntos o vindeiro domingo no Vao”.

É consciente de que a análise de hoxe “se o facemos desde o resultado loxicamente non podemos estar contentos nunca. E se o facemos desde o xogo, eu percibín unha melloría evidente en todo”.

Nesta liña, explica que os xogadores branquiazuis “asumiron un plan de xogo, levárono á práctica. Non houbo hoxe gol que fixese bo todo o que se propuxo e o que o equipo xerou, que foi moito”.

Subliña Rubén de la Barrera que o encontro desta tarde en ABANCA-RIAZOR “tennos que empuxar de cara a Coruxo e gañar o partido. Seguimos dependendo de nós independentemente de que haxa equipos que teñen un ou dous partidos aprazados. Imos agarrarnos ao que fixemos hoxe, imos mellorar cuestións que hoxe se fixeron ben para facelas moitísimo mellor. E esas dúas ou tres situacións que lle concedemos ao rival evitar que sucedan para o vindeiro domingo”.

Cre que non hai comparación o visto esta tarde co sucedido ante a SD Compostela: “O outro día non estivemos e hoxe si. O outro día, porque é fútbol e pode pasar, sen merecer tivemos o 1-0 xusto antes de que eles adiantásense no marcador. E o partido podería cambiar. O que ti fas é o que temos que facer para gañar os partidos. Non é cuestión de ‘a ver o que pasa’. Este equipo necesita ferramentas para poder facelo”.

Por contra, hoxe “como adestrador dígoo así de claro, síntome orgulloso do que fixemos como colectivo”.

Finalmente recalca que “agora que non están a chegar resultados, confío a matar neste cadro. O resultado non me está dando a razón pero sigo ao meu. Confío a matar no cadro e confío máis aínda tralo visto hoxe. Que tampouco o resultado dáme a razón. Eu agárrome a algo que podo controlar, que é o xogo do equipo. Todo o demais obedece a outro tipo de cuestións que están máis relacionadas ao resultado e ao que xera a nivel emocional o feito de sacar hoxe un empate ou sacar hoxe unha vitoria 1-0 como sexa”.

Por este motivo, no último día do mercado de inverno, “non me espero nada e espérome todo. Este cadro de xogadores é moi bo e hoxe viuse. Estamos a descubrir que hai xogadores aquí con fame, con ganas… Que non están a saír as cousas e non se traduce no resultado, efectivamente. Pero a confianza neles é total e plena pola miña banda. Total e plena”.

 

SALVA RUÍZ

O lateral branquiazul opina que o de hoxe “foi un dos mellores partidos da temporada. Aínda que é certo que non estamos contentos nin moito menos co resultado, para min isto é o mínimo que ten que ser o Deportivo tanto dentro como fóra de casa. E a partir de aí seguir crecendo”.

Cre que esta tarde “en moitos momentos conseguimos encerrar ao rival na súa área. E iso é o que temos que conseguir en todos os partidos. A partir de aí seguir crecendo e non quedarnos só co resultado, aínda que hai que sumar de tres en tres desde xa”.

O defensor branquiazul apunta que “o que nos faltou é o gol. Creo que fixemos un partido bastante completo. O Unionistas é o líder da categoría e só recibiu tres goles. Aínda que a priori poucos pensaban que podía estar aí, está a facer un bo ano”.

Finalmente, Salva Ruiz asegura que o cadro “non concibe” quedar fóra dos tres primeiros postos, “aínda que é certo que Rubén (de la Barrera) desde o primeiro día díxonos que non miremos a clasificación, que nos centremos en cada partido. Con partidos como este estamos máis preto de gañar que da derrota”.

 

RESUMO DO ENCONTRO

 

 

-Vídeo e Foto : RC Deportivo

-Texto : RC Deportivo/piratasdemuxia

-Resumo : TVG