Mañán xoves 3 de Xuño comeza na Coruña a 52ª regata “Rías Altas”, considerada a regata de cruceiros máis dura das que se celebran en España. A saida será do Náutico da Coruña con final da primeira etapa en Laxe. Serán 35 millas nauticas e coa previsión de vento forte de nordés, con en torno aos 30 nós, (en torno aos 60 Kms/h).
O venres 4 de Xuño os veleiros do tipo cruceiro sairán de Laxe para rematar tras 16 millas de navegación ata o porto deportivo de Muxía, de onde sairán o sábado 5 de Xuño con dirección a Malpica, (30 millas), de onde partirán o Domingo 6 de Xuño hacia a Coruña, (21 millas), onde rematará a competición.
A regata o ano pasado en Muxía.
Jaime Araújo, un dos responsables da regata explicou que en 2024 repetíuse o mesmo itinerario debido ao éxito de participación e a boa resposta dos concellos de Malpica, Laxe e Muxía.
O ano pasado o vencedor na clase ORC 0-3 o vencedor foi o “Gómez Mostly” de Andrés Soto, do clube organizador; segundo quedou o “Lambaix” de Antonio Ríos (Náutico de Cabanas) e terceiro o “Jabadaa” de Roberto Bermúdez de Castro (Real Club Náutico). Na clase ORC 4-5, o triunfo correspondíu ao “Fígaro 55” de Jesús Pintos, seguido do “Golfiño” de José Naya (Náutico Ría de Ares) e do “Impresión 3D Atlántico” de Guillermo Blanco.
-Texto e foto : Xosé Búa “Pirata”