LIGA DA COSTA
23ª Xornada
Domingo 22/03/2026
UD Monte Louro 2-1 UD Corcubión
Outes FC 1-1 Sporting Zas
SCD Malpica 0-1 CF Corme
Cabana SD 2-4 CD Muros
Ponteceso SD 1-1 Soneira SD
CD Baio 1-2 Xallas FC
CF Mazaricos 3-1 SD San Lorenzo
CF Porteño 4-2 SD Sofán ” B”
.
As crónicas están abertas para ir incorporando os comentarios que nos cheguen dos adestradores, xa que nós non pedimos a ninguén, o que queira pode mandalos e coma sempre son postos ao completo e baixo a sua responsabilidade.
CRÓNICA XERAL
Un Porteño desatado asalta o liderado nunha xornada que revoluciona a Liga da Costa
A Liga da Costa entrou definitivamente na súa fase quente e a 23ª xornada deixou un cambio de mando na clasificación. O CF Porteño, nun momento goleador espectacular, converteuse no novo líder tras superar ao Sofán B e aproveitar a inesperada derrota do San Lorenzo, nun domingo onde quedou claro que aquí quen falla, págao caro.
Os da Ponte do Porto viven un estado de graza absoluto: 27 goles nos últimos cinco partidos e unha sensación de superioridade ofensiva que os coloca como principal candidato ao ascenso directo cando restan sete xornadas para o final.
O Porteño mete medo e colle o liderado
O CF Porteño venceu con autoridade ao SD Sofán B (4-2) nun encontro aberto e con ritmo, pero no que os locais volveron demostrar que atravesan o mellor momento da tempada. Liderado recuperado e mensaxe clara á liga: están lanzados.
O tropezo do San Lorenzo abriu a porta e os porteños non perdoaron, situándose primeiros con 43 puntos.
O Xallas non falla e métese de cheo na loita
O Xallas FC levou un triunfo de enorme valor do campo do CD Baio (1-2), nun dos partidos grandes da xornada. Tres puntos que colocan aos xalleiros segundos, empatados co San Lorenzo pero coa dinámica claramente ao seu favor.
O Baio, pola súa parte, queda a cinco puntos da promoción e xa sen demasiado marxe de erro.
O Mazaricos dá a campanada
A gran sorpresa chegou en Mazaricos, onde o conxunto local derrotou ao líder SD San Lorenzo (3-1). Os mazariquenses, que chegaban en situación delicada, firmaron un partido moi serio para sumar tres puntos de ouro e abandonar o faroliño vermello.
Para o San Lorenzo, a derrota supón caer do liderado á terceira praza nun momento crítico da tempada.
O Muros asalta Cabana
Partido tolo en Cabana, onde o CD Muros venceu por 2-4 nun duelo cheo de alternativas. Os muradáns aproveitaron mellor os erros defensivos locais e sumaron unha vitoria clave para coller aire na zona baixa.
O Cabana continúa instalado na irregularidade, alternando boas actuacións con derrotas inesperadas.
O Corme golpea en Malpica
O CF Corme levou os tres puntos do derbi percebeiro ante o SCD Malpica (0-1), nun encontro moi disputado decidido por detalles. Triunfo importante para afastarse da zona perigosa e freo para un Malpica que quería engancharse á zona alta.
Sporting Zas no Conchido.
-Empates que saben a pouco-
Houbo táboas en dous campos:
-
Outes FC e Sporting Zas igualaron (1-1) nun choque equilibrado que deixa aos locais preto da promoción pero sen recortar distancias cos de arriba.
-
Así nos conta Rubén Forján o empate do seu equipo o Sporting Zas : “O Sporting Zas e o Outes repartiron puntos nun encontro importantísimo para as aspiracións de ambos equipos. O Zas chegaba ademais moi condicionado polo desgaste acumulado do xoves na Copa da Costa, un factor que se notou especialmente nos ritmos do partido e na capacidade para soster tramos longos de intensidade tras xogar xoves e domingo.
O encontro comezou con moito ritmo e co Outes levando a iniciativa nos primeiros compases. O conxunto visitante mostrouse moi dinámico en ataque, xerando as ocasións máis claras do inicio, aínda que tamén deixou sensacións de fraxilidade atrás. Froito desa tensión e das chegadas, chegou unha acción clave: penalti a favor do Zas e expulsión dun xogador do Outes, situación que Urbieta aproveitou para transformar a pena máxima, adiantar aos zasenses e deixar cun home menos ao Outes.
Co 1-0 e cun home máis, o Zas parecía ter o escenario ideal para controlar o partido, pero non foi quen de administrar esa vantaxe. O Outes non se descompuxo, mantivo o ritmo e continuou atacando con determinación pese á inferioridade numérica. Ao redor da media hora, esa insistencia tivo premio cun penalti claro que permitiu aos visitantes igualar o marcador, deixando o 1-1 que xa non se movería antes do descanso.
Ata o intermedio, o Zas tivo algunha oportunidade, aínda que sen demasiada elaboración e cun perigo máis ligado ao balón parado que ao xogo combinativo. O partido chegaba así ao descanso cun empate que reflectía un duelo aberto, marcado por accións decisivas e por un ritmo alto, especialmente no primeiro tramo.
Tras a reanudación, o Outes volveu saír mellor e protagonizou un arreón nos primeiros minutos da segunda metade, nos que dispuxo das ocasións máis claras para poñerse por diante. Porén, faltoulles acerto no momento decisivo e o marcador resistiu. A partir do primeiro cuarto de hora, o encontro foi baixando de pulsacións: o cansazo, o control e a prudencia foron gañando peso, e o partido entrou nunha fase máis trabada, con poucas ocasións claras e moita disputa no medio do campo.”
-
Ponteceso SD e Soneira SD tamén repartiron puntos (1-1), mantendo ambos equipos na zona media dunha clasificación cada vez máis comprimida.
O Monte Louro colle aire
A UD Monte Louro superou ao UD Corcubión (2-1) nun duelo directo da zona baixa. Tres puntos fundamentais para seguir crendo na permanencia e meter máis presión aos rivais directos.
Así nos conta Isidro Trillo a derrota do seu equipo o UD Corcubión: “Partido oigualado con alternativas para os dous equipos, que o final levouse os 3 puntos o que máis ambición lle puxo. Adiantámonos ao principio do encontro e cando podíamos matar o encontro, deixámolos vir. Decir que nós anularon un gol moi claro que podía ser un 0-2 que cambiaba moito, O gol deles do empate chegou nun barullo no área con varios rexeites. Tivemos no treito final un balón ao poste e pouco despois chegou un penalti dun rexeite da perna a man e co que eles se puxeron por diante e gañaron merecidamente porque puxeron máis gañas”.
A clasificación arde a sete xornadas do final
Co Porteño líder e en plena explosión ofensiva, as prazas de ascenso quedan agora así:
-
Ascenso directo: CF Porteño (43 pts)
-
⚔️ Promoción: Xallas FC (42) e SD San Lorenzo (42)
Por detrás, Baio e Outes quedan a cinco puntos da promoción, unha distancia recuperable pero que xa obriga a non fallar máis.
Na zona baixa, cada punto pesa ouro e a igualdade promete un final de liga de infarto. Ocupan agora mesmo descenso direto Mazaricos, (24 puntos) e Sporting Zas, (22), e teñen por arriba a Monte Louro, (24), Muros, (25), e xa máis alonzado o Corme, 829) e Sofán “B”, (30), con 21 por disputarse e tendo en conta que na Primeira Futgal están as cousas moi mál para os costeiros coa Esteirana colista, por arriba o Fisterra, tamén en descenso e co Castriz e Camariñas as portas, polo que todo apunta a que vai a haber máis dun arrastre.
A Liga da Costa entra no seu tramo decisivo: sete finais por diante onde cada erro pode custar unha tempada.
.
CLASIFICACIÓN
1º Porteño CF : 43
2º Xallas FC : 42
3º SD San Lorenzo : 42
4º CD Baio : 37
5º Outes FC : 37
6º SCD Malpica : 34
7º Cabana SD : 32
8º Soneira SD : 31
9º Ponteceso SD : 31
10º UD Corcubión : 30
11º SD Sofán B : 30
12º CF Corme : 29
13º CD Muros : 25
14º UD Monte Louro : 24
15º CF Mazaricos : 24
16º Sporting Zas : 22
LIGA DA COSTA
24ª Xornada
Domingo 29/03/2026
Sporting Zas – UD Corcubión
CF Corme – Outes FC
CD Muros – SCD Malpica
CF Mazaricos – UD Monte Louro
SD San Lorenzo – CD Baio, ás 16:30
Soneira SD – CF Porteño, ás 17:00
SD Sofán ” B” – Cabana SD, ás 18:00
Xallas FC – Ponteceso SD, ás 18:15
Clasificación : PREME AQUÍ
.
-Comentarios : Os propios do adestradores e baixo a sua responsabilidade
-Texto : Xosé Búa “Pirata”
-Fotos : Prensa Sporting Zas
-Foto Soneira : Lolita Campaña