GRAN ÉXITO DA “VII GALA DO FÚTBOL FEMININO GALEGO” CELEBRADA EN CAMBRE.

• in Deportivo Feminino, Fútbol femenino

VII Gala do Fútbol Feminino Galego 

Premiadas relacionadas co fútbol coruñés

Foto foto fin de gala (c) Mónica Ferreirós.

Deportivo e Tere, que volve a facer triplete, protagonistas da Gala do Fútbol Feminino Galego por terceiro ano consecutivo

Como aconteceu nas dúas temporadas anteriores, a xogadora do Deportivo, Teresa Abelleira, foi unha das grandes protagonistas na VII Gala do Fútbol Feminino Galego que se celebrou onte en Cambre. A mediacentro branca e azul conquistou o premio de mellor mediacentro dereita ao formar parte do once ideal dos equipos galegos da pasada Segunda División, ademais de engadir o de mellor promesa galega, no derradeiro ano no que concorre pola súa idade, e o de mellor xogadora galega de Segunda División. Nos tres casos, a pontevedresa repetiu os galardóns como fixera nas dúas galas anteriores celebradas en Cambados e Abegondo.

O outro gran vencedor foi o Deportivo. A superioridade coa que logrou o ascenso deixárono sen rivais para conseguir, tamén por terceiro anos consecutivo, o premio de mellor equipo galego da temporada,

O emblema deportivista brillou varias veces sobre o escenario, pois unha alta porcentaxe de xogadoras, ademais de Tere, formaron pate do once ideal da categoría. Así, na liña defensiva, Cristina Martínez e Silvia Mérida foron escollidas como mellores lateral e central dereitas, respectivamente. No centro do campo tamén recibiu o seu trofeo Rosalía Muíño, na actualidade nos Estados Unidos, como mellor interior dereita e Alba Merino, mellor interior esquerda. O ataque foi totalmente deportivista con Gaby García, mellor mediapunta, e Peke, mellor dianteira.

Tamén foi unha noite de recoñecemento para Lis Franco pola súa traxectoria no Karbo, no Deportivo e nas seleccións absolutas de España e de Galicia, entre 1975 e 1988.

No que respecta ao fútbol coruñés, ficaron ás portas de recibir premios Carlota Sánchez (Deportivo B), na categoría de mellor xogadora de Primeira Galega, que gañou Míriam Domínguez (Umia), e Manu Sánchez (Deportivo) e Toño Rubiales (Victoria) na de mellor técnico, que recaeu por segundo ano consecutivo en Chivi García (Victoria de Santiago).

Outra das grandes protagonistas da noite foi a valencianista Mari Paz Vilas, que fixo dobrete como no 2016 en Ribadumia, cando gañara os premios de mellor xogadora galega da temporada e o de ser a autora do mellor gol galego na campaña 2018/19, logo dun espectacular control na frontal, de costas a porta, e un golpeo imparable lonxe do alcance da logroñesista De la Nava, no partido celebrado en Paterna ao comezo da segunda volta da pasada liga de Primeira División.

Zulema González, a única árbitra internacional galega, recibiu por terceira vez o premio de mellor colexiada.

No acto tamén foron agasallados o Sporting Cambre, o Brexo Lema e o Once Caballeros, pola labor que están facendo no desenvolvemento do fútbol feminino e o Concello de Cambre, que recibiu a placa pola que a publicación decana do fútbol feminino en España o considera “institución amiga do fútbol feminino”.

A Gala, coa que se pon fin ás actividades relacionadas co fútbol feminino galego no 2019, celebrouse na Finca El Cenador.

Mellor equipo : Deportivo, con Carlota. Kevin Cabado e Manolete.

-Lista de premiadas-

Segunda División Galega:

Guardarredes menos goleada: JUDITH María de Frutos Woetichen (Friol B)

Mellor goleadora: MELANIE García González (Boiro)

Primeira División Galega:

Guardarredes menos goleada: Patricia Casas Sampaio “HOUSE” (Umia)

Mellor goleadora: Catarina Vanessa da Silva MACHADO (Interrías)

Mellor xogadora: MÍRIAM DOMÍNGUEZ Marcos (Umia)

Segunda División:

Guardarredes menos batida do Gr. I: LAURA Gallego Silvente (Friol)

Mellor goleadora galega: NATALIA de Francisco Gómez (Matamá)

Once ideal:

Mellor guardarredes: CARMEN Sumay Dios (Victoria Santiago)

Mellor lateral dereita: CRISTINA Martínez Gutiérrez (Deportivo)

Mellor central dereita: Silvia MÉRIDA Ramírez (Deportivo)

Mellor central esquerda: ANDREA MIRÓN Castro (Friol)

Mellor lateral esquerda: SARA DEBÉN Mota (Matamá)

Mellor interior dereita: ROSALÍA Muíño González (Deportivo)

Mellor mediacentro dereita: TEREsa Abelleira Dueñas (Deportivo)

Mellor mediacentro esquerda: LARA Martínez Velázquez (Matamá)

Mellor interior esquerda: ALBA MERINO Sánchez (Deportivo)

Mellor media punta: Gabriela “GABY” Antonia GARCÍA Segura (Deportivo)

Mellor dianteira: Ainize Barea Núñez “PEKE” (Deportivo)

Mellor xogadora galega de Segunda División: TEREsa Abelleira Dueñas (Deportivo)

Premios globais:

Traxectoria histórica: Luisa Victoria de Fátima “LIS” FRANCO Iglesias (Karbo, Deportivo e seleccións española e galega: 1975/1988)

Mellor promesa: TEREsa Abelleira Dueñas (Deportivo)

Mellor colexiada: Zulema GONZÁLEZ GONZÁLEZ (Ourense)

Equipo máis deportivo: S.D. BANDEIRA

Mellor técnico: Francisco Javier García Rouco “CHIVI” (Victoria Santiago)

Mellor gol: María de la Paz Vilas Dono “MARI PAZ” (Valencia)

Valencia C.F. – Esc. F. Logroño: 2-1

(1ª División. Xornada 18 (27/01/2019): 2-1 minuto 72.

Mellor equipo: DEPORTIVO

Mellor xogadora galega 2018/19: María de la Paz Vilas Dono “MARI PAZ” (Valencia)

–Fotos e Texto : Carlos Castro/Revista do Fútbol Feminino Galego

++++

Informarche de que se nos estás seguindo polo móbil, que para ordenadores temos outro formato moito completo ca o que che pode ofrecer un móbil polas súas dimensións de pantalla.

Tamén informar que trocamos de email: admin@piratasdemuxia.es

Contrata a tua publicidade connosco e chegarás cada día a milleiros de persoas.