FONDO PESAR NO PONTECESO SD, NO CONCELLO, E EN TODA A COSTA DA MORTE POLO PASAMENTO EN ACCIDENTE DE TRÁFICO DO XOVE, BORJA CARABEL.

 

A estrada volveu a ser nefasta unha vez máis para un xove. Se ainda temos na lembranza o pasamento de Lucas Vicente, (D.E.P.), ex xogador do Corme CF, que se pasara a arbitraxe, no día de onte chegábanos a triste e dura nova do pasamento tamén en accidente de tráfico do xove de 19 anos de idade, Borja Carabel Villar, (D.E.P.), natural da parroquia pontecesana de Cores, en concreto do lugar de Bardaio.

Borja xogou dende as catagorías de base no Ponteceso SD, onde a nova trouxo un fondo pesar. Colgou as botas para atender aos estudos e traballar no primeiro ano de xuvenil.

O rapáz traballaba de camareiro no “Il Molino”, pizzería de Coristanco, onde tamén deixa un profundo pesar. Sitio do que ía en dirección a seu lugar de residencia, no intre do accidente.

Dende piratasdemuxia.es queremos trasladar a sua familia e amigos, así como a tódolos que o senten de preto, o noso ánimo e o noso máis fondo pesar, nestes intres tan duros e tristes, D.E.P.

-Foto e Texto : piratasdemuxia