“As Redondas” unha vez máis o epicentro do fútbol base.
Esta vindeira fin de semana do 28-29 de Xuño volve o Torneo de Fútbol Base do Cabana SD no Campos “As Redondas”, (Cánduas-Cabana de Bergantiños), un dos máis importantes e sobranceiros da época estival e que xunta a centos de rapaces e rapazas cada ano. Chegamos con esta a 15ª edición algo moi difícil de acadar e tendo en conta os moitos que proliferaron daquela e despois e quedaron pola popa, dado o gran sacrificio de traballo e preparación que conleva antes, durante e despois do torneo.
Moitos dos mozos/as que xogan hoxe en día nos diversos equipos da costa tanto en idades adolescentes coma en senior e algún en veteranos, participaron algunha vez ou moitas no torneo cabanés, tanto de equipos da costa coma de equipos da zona da Mariña ou da Coruña. O Torneo comeza o vindeiro sábado 28 de Xuño co turno para as categorías alevín e cadete cun total de 32 equipos, (16 por categoría). Na xornada dominical do 29 o turno será para os benxamíns e infantís, e tamén serán 32 equipos, (16 por categoría).
En ambos días os equipos loitarán durante todo o día desde ás 09:30 horas ata en torno ás 19:00 e 19:35 horas que terán lugar as finais nunha parte do campo e ao unísono na outra as finais de consolación, (3º e 4º posto).
No campo coma acotío haberá servizo de cantina onde poder refrescarse e picotear ou xantar algo, a base de empanadas, bocadillos e churrasco.
CALENDARIOS
-Fotos : Arquivo piratasdemuxia.es
-Texto : Xosé Búa “Pirata”
-Calendarios : Cabana SD