ESCOLMA DE NOVAS BREVES DO FÚTBOL DA COSTA : CAMELLE, LAXE, XALLAS, SONEIRA, CEE FEMININO…

 

Primeiro adestramento do SD Camelle

O pasado venres o SD Camelle, equipo recén ascendido a Liga da Costa, tiña un adestramento para pulsar o sentir dos xogadores. A chamada do director deportivo, Luis Romaní, e do adestrador Sergio “Crejo”, p`resentáronse 21 xogadores, antre os que había 5 caras novas que están a proba. Por cuestións diversas houbo varios habituais que non puideron estar neste primeiro adestramento.

 

Segue crecendo o proxecto do SD Laxe

Segundo informan dende o SD Laxe, equipo da 3ª da Costa, a campaña de socios vai vento en popa e xa son moitos os veciños que acudiron a chamada do clube para unirse a familia laxense. Tamén se van clareando as cousas no apartado futbolístico e Dani Nieto será o adestrador do primeiro equipo, e Francisco “Feluxo”, levará os infantís.

 

Geno novo adestrador do Soneira

Geno García será o sustituto de Pedro Gómez no Soneira SD, equipo da 1ª Galicia G2 A Costa/Santiago. Geno deixaba a SCDR Esteirana, a finais de marzo deste ano, equipo que foi rival dos vimianceses na pasada liga.

 

O Sofán terá filial na vindeira tempada

O SD Sofán, único equipo da costa na vindeira tempada da Preferente Norte, comunica que fará un equipo B que sairá a competir na 3ª da Costa. O motivo non é outro ca o de dar saida aos rapaces que acaban en idade xuvenil, e poidan seguir ca sua progresión ata o primeiro equipo.

 

Gran respaldo a Doro no Xallas FC

Doro Prego, novo presidente do Xallas FC presentou a sua diretiva e tivo un gran respaldo por parte da afección. O clube xalleiro xa está a traballar na confección dos equipos de base dende biberóns ata xuvenís e oferta as derradeiras prazas en algúns deles, polo tanto a chamada do clube a rapaces e rapazas para os equipos está sendo todo un éxito de resposta.

 

“I Queens Cup da Costa” en Cee

Ceembría PDC e UC Cee orgañizan para o sábado 26 de Agosto a “I Queens Cup da Costa”, de fútbol feminino, que terá lugar no San Paio de Refoxos e para o que están abertas as inscricións ata o 23 de Agosto. Os equipos interesados teñen máis información no whatsapp : 722 32 23 37, (Paula), ou no instagram : @torneo_queenscupdacosta.

 

-Foto e Texto : Xosé Búa “Pirata”