PREFERENTE NORTE
SD Pol 1-1 SD Sofán
O Sofán deixou escapar dous puntos en Pol nun encontro no que fixo méritos para máis. O cadro carballés controlou o xogo durante boa parte do partido e adiantouse mediado o segundo tempo cun gol de Fabián. Semellaba que o triunfo viaxaría á Costa, pero o Pol non se rendeu e logrou o empate a menos de dez minutos para o final. O Sofán suma un novo punto que o mantén nas posicións altas, aínda que con certo sabor amargo pola ocasión perdida. O colexiado Iago Lombao mostrou cinco tarxetas amarelas aos locais e tres aos visitantes o que fixo que o encontro estivese trabado por momentos en especial na segunda metade.
Goles: 0-1, Fabián (56´); 1-1, Omar (81´).
CF Dumbría 4-1 Cultural Maniños
Gran vitoria do Dumbría no Conco, dominando de principio a fin ante un Maniños superado en todas as facetas. O equipo de Pablo Conde encarrilou o partido xa no primeiro tempo, con dous tantos de Diego Estévez, (xa lidera en solitario a táboa de goleadores con 7), e outro de Javi Souto antes do descanso. Na segunda metade, Berto ampliou a goleada e só un tanto visitante nos minutos finais evitou o pleno. O Dumbría confirma a súa boa dinámica e afianza a súa presenza na metade alta da táboa.
Goles: 1-0, Diego Estévez (21´, p.); 2-0, Diego Estévez (37´); 3-0, Javi Souto (44´); 4-0, Berto (71´); 4-1, Hugo Cociña (88´).
Clasificación
1º Negreira : 23 puntos
2º Órdenes : 22 puntos
3º San Tirso : 21 puntos
4º Lalín : 18 puntos
5º Burela : 18 puntos
6º Sofán : 17 puntos
7º Víctoria : 15 puntos
8º Betanzos : 15 puntos
9º Dumbría : 15 puntos
10º Puebla : 13 puntos
11º Miño : 11 puntos
12º Ribeira : 11 puntos
13º O Val : 10 puntos
14º Pol : 8 puntos
15º Paiosaco : 8 puntos
16º Dubra : 7 puntos
17º Maniños : 7 puntos
18º Sigüeiro : 5 puntos
-Foto e texto : Xosé Búa “Pirata”