Segunda fichaxe do Depor 2025/26, trralo acordo con Jairo Noriega, embarca connosco o xove central belga, Lucas Dominique Noubi Ngnokam (Mouscron, Bélxica, 15/01/2005), coñecido futbolísticamente como Lucas Noubi. O xogador xa coñece Riazor pois xa estivo presente no derradeiro encontro de liga ante o Elxe e como todo apuntaba asinou como deportivista ao acabar a sua vinculación co Standard de Lieja, no que non xogou nos derradeiros meses como “castigo” a non querer renovar, segundo a prensa.
De nacionalidade belga e camerunesa, firma co Depor até xuño de 2029.
Así nolo presentan desde o RC Deportivo : “Lucas Noubi é un dos defensas con maior proxección do fútbol europeo. Formado nas categorías inferiores do Standard de Lieja, debutou co primeiro equipo con 17 anos (o 13 de marzo de 2022), acumulando experiencia tanto na Jupiler Pro League (Primera División) con 31 partidos así como na Challenger Pro League (Segunda División) con 22 partidos; así como nas competicións internacionais coas categorías inferiores da selección belga, desde a sub-15 á sub-21.
Con 1,86 metros de altura, destaca pola súa impoñente presenza física, boa saída de balón e capacidade para anticiparse no xogo defensivo. A súa mocidade, carácter competitivo e experiencia no fútbol profesional encaixan á perfección co proxecto do RC Deportivo.
Lucas Noubi será presentado oficialmente a próxima semana no Estadio ABANCA-RIAZOR”.
-Foto montaxe e texto : Xosé Búa “Pirata”
-Información e vídeo : RC Deportivo