DIVISIÓN DE HONRA VETERANOS
5ª Xornada
Domingo 19/10/2025
ACD San Ramón 1-1 ADCV Ponteceso
SCD Buño 3-2 SD Oza
Veteranos CF Dumbría 1-2 Soneira Veteranos
SD Coristanco 1-0 SD San Lorenzo
SD Castriz 0-8 Atlético Carballo SD
Sporting Zas 1-1 ACD San Román
Club Deportivo Razo 6-4 CF Cances
CRÓNICA XERAL
A 5ª xornada da División de Honra de Veteranos da Costa deixou emoción, moitos goles e movementos interesantes na táboa. O San Ramón continúa invicto e sostendo o liderado despois de empatar (1-1) fronte ao Ponteceso, nun partido igualado que serviu para manter a cabeza pero tamén para deixar aberta a loita polo primeiro posto.
Por detrás, Zas e San Román seguen a estela do líder, ambos con 11 puntos, tras empatar tamén entre si (1-1) nun duelo directo pola parte alta. A igualdade entre estes dous conxuntos fai prever unha pelexa moi cerrada nas vindeiras semanas.
A goleada da xornada foi, sen dúbida, a protagonizada polo Atlético Carballo, que pasou por riba do Castriz cun contundente 0-8, resultado que permite aos carballeses colocarse quintos.
Outro dos encontros destacados foi o tolo 6-4 entre o Razo e o Cances, un festival goleador que fixo as delicias dos afeccionados e permitiu ao Razo sumar tres puntos importantes para escalar posicións.
O Soneira, pola súa parte, sacou petróleo da súa visita a Dumbría (1-2), nun dos derbis de rivalidade costeira, (foto do FaceBook dos veteranos dumbrieses), mentres que o Coristanco acadou a súa primeira vitoria da tempada ante o San Lorenzo (1-0), resultado que lle dá algo de aire na zona baixa.
Pola contra, Ponteceso, Dumbría, San Lorenzo e Oza seguen na parte máis complicada da táboa, todos con 3 puntos, nun inicio de liga no que lles está a custar atopar regularidade.
A clasificación segue moi apretada na parte alta, con San Ramón, Zas, San Román e Atlético Carballo marcando o ritmo. Todo indica que a competición vai camiño de ser unha das máis disputadas dos últimos anos.
CLASIFICACIÓN
1️⃣ A.C.D. San Ramón – 13 pts
2️⃣ Sporting Zas – 11 pts
3️⃣ A.C.D. San Román – 11 pts
4️⃣ C.F. Cances – 9 pts
5️⃣ Atlético Carballo S.D. – 7 pts
6️⃣ C.D. Razo – 7 pts
7️⃣ Soneira S.D. – 7 pts
8️⃣ S.C.D. Buño – 6 pts
9️⃣ S.D. Castriz – 5 pts
S.D. Coristanco – 4 pts
11️⃣ Veteranos Dumbría C.F. – 3 pts
12️⃣ Veteranos Ponteceso – 3 pts
13️⃣ S.D. San Lorenzo – 3 pts
14️⃣ S.D. Oza – 3 pts
PREVIA
6ª Xornada
Domingo 26/10/2025
SD Oza – Club Deportivo Razo, (09:45 horas)
Atlético Carballo SD – ACD San Ramón, (09:45)
Soneira Veteranos – SCD Buño, (10:00)
ADCV Ponteceso – Veteranos CF Dumbría, (10:00)
SD San Lorenzo – Sporting Zas, (10:30)
CF Cances – SD Coristanco, (10:30)
ACD San Román – SD Castriz, (12:00)
-Foto : FaceBook Veteranos CF Dumbría
exto : Xosé Búa “Pirata”