DEPOR IN BRIEFF : “ESCOLMA DE NOVAS BREVES DO DEPORTIVISMO”

DEPOR IN BRIEFF


Esta grada de deportivistas foi retida no “Anxo Carro”.

 
-Escolma de novas breves do Deportivismo-

-Candidaturas, horarios, homenaxes as femininas, afeccion…-

 

Tanto Fernando Vidal coma Jesús Martínez Loira presentaron no día de hoxe os seus programas na carreira pola presidencia do RC Deportivo da Coruña. No caso de Vidal, do que era hoxe a posta de longo nesta carreira, presentou o equipo co que contará nesta loita polo “sillón”. por outra banda LaLiga anunciou que a 41ª xornada de liga xogarase en grande medida o 2 de Xuño no horario unificado para 8 dos 11 encontros, nos nos que agora mesmo se xoga algo. Un impedimento para as afeccións, en especial a nosa, para poder desprazarse para os que traballan luns. Xa non teñen vergonza dende a “mafia” que dirixe o cotarro cando puxo o Depor-Mallorca, tan importante para ambos o vindeiro luns ás 21:00 horas, (19:00 GMT). Por outra banda as rapazas do Deportivo Femino e do segundo equipo de féminas, quye acadaron sendos ascensos, será recibidas polos sponsors, ABANCA, Estrella Galicia e polo Concello de Coruña. O turno para o deportivismo de darlle unha homenaxe será nos prolegómenos do Depor-Mallorca. Tamén deixar constancia do noso malestar por deixar a centos de deportivistas pechados o acabar o encontro no “Ánxo Carro” por parte dos de seguridade, non así na cidade  de Lugo na que os 3 días nos que houbo deportivistas o trato foi excelente. Preme en abrir a nova completa para ver as novas extendidas.

 

Fernando Vidal presentou a sua candiatura
 
O que fora conselleiro de Tino Fernández na primeira andaina do presidente deportivista Fernado Vidal presentou nun hotel da Coruña a sua candidatura cas liñas a seguir e os que o acompañarán de acadar o sillón presidencial. Vidal nun acto que durou máis dunha hora comezou presentando aos que estarán no seu proxecto para logo develar o seu programa. Votouse e falla coma na maioría dos que se presentan algo de galego, sendo a grande maioría dos socios deportivistas de fala nai. Neste enlace da web riazor.org que deu en direto a presentación podedes ver o que propón Vidal : https://www.riazor.org/la-presentacion-de-fernando-vidal-a-las-elecciones-del-deportivo-en-directo/

(Se non vai o enlace cópiao e póñeo na tua barra de direccións)

 
 
 
-Jesús Martínez Loira tamén presentou o seu programa-
 
Outro dos canddiatos que elixeu hoxe para presentar o seu programa foi Jeús Martínez Loira cun programa moi de continuismo con matices en moitas facetas do clube, pero sen desfacer o feio. Jesus Martínez Loira foi o primeiro en presentar de maneira oficial a súa candidatura. É funcionario, da Deputación da Coruña, (Xefe de Servizo de Organización, Calidade e Modernización). Xa estivo vinculado tanto á etapa de Lendoiro no club como á de Tino. Con Lendoiro foi o encargado de facer canaldeportivo.com, a cal lle faltou unha cousa de inicio…falar galego. O mesmo que lle pasa a sua web na que ensina, (non se ve) o programa coa opción de “galego”. “La Blanquiazul…Nuestra única bandera”. Este é o enlace da sua web : https://lablanquiazul.es/gl/programa/
(Se non vai o enlace cópiao e póñeo na tua barra de direccións)
 
 
 
-O Elxe-Depor da 41 xornada Domingo 2 de Xuño ás 20:00 horas-
 
O encontro da 41ª xornada da 2ª División ten horario unificado de Domingo 2 de Xuño ás 20:00 horas para 8 dos 11 encontros que se disputan, son nos que se xoga algo, ou supostamente, pois esta vindeira fin de semaan pode deixar algún encontro da 41ª xornada en “pan con pan”.
 
 
 
-Prereserva de entradas para Elxe da Federación de Peñas-
 
A Federación de Peñas Deportivistas estivo esperando para saber que hora poñían os da Liga e tras confirmarse o fatídico horario abren prereserva de entradas desde hoxe martes 21 e ata mañá, 22 de maio, ás 23:59 Cofirmará a Federación mañá, mércores 22 de maio á noite, ou xoves 23 á primeira hora da mañá. LÍMITE PARA ENTREGAR Os DATOS: Xoves 23 de maio ás 20:00. AVISO : Dado a premura polo pouco tempo : ás 20:01 horas, quen non mandase os datos, quedará fora da petición das entradas.
 
 

 

-As rapazas dos equipos femininos homenaxeadas durante o día de hoxe-
 

Ás 19:00 h. na súa Oficina Principal de Rúa Nova, ABANCA recibirá ás xogadoras, técnicos e directivos dos dous equipos aos que dá nome, o Dépor ABANCA A, equipo de Liga Iberdrola para a próxima campaña e o Dépor ABANCA B, que hai dez días ascendeu a Segunda Nacional. Ás 20:30 a cita do primeiro equipo é na Cervecería de Estrella Galicia en Catro Camiños, onde serán recibidos por representantes de Estrella Galicia, que a través da súa división de augas, e concretamente da marca Cabreiroá, tamén apoia ao equipo branquiazul. A recepción institucional terá lugar o mércores. Ás 14:00 horas, os dous equipos do Deportivo ABANCA serán recibidos polo alcalde e a corporación municipal no Palacio de María Pita.

A homenaxe do Deportivismo será o vindeiro luns no Estadio ABANCA-RIAZOR nos prolegómenos do Dépor-Mallorca.

 

-Mal trato por parte da seguridade no “Anxo Carro”-

Deixar aquí o noso descontento e o de centos de deportivistas aos que nos deixaron pechados no Estadio “Anxo Carro” tralo final do encontro, sen explicación cando xa se vaciase o estadio o completo. Nin a disculpa de que estiveran nesa brada os máis “radicais”, pois estaba noutra. A propia policia decíanos, que non eracousa deles, senón dos “seguratas”. Polo resto o trato na cidade de Lugo foi de luxo, tanto para os que se desprazaron xa o venres aproveitando o día festivo, coma para os que nos desprazamos sábado e Domingo. De “10” en toda a cidade.

 

+++++++++++++++++++++++

-Se queres mandarnos algunha información e fotos de deportes, podes facelo no correo : info@piratasdemuxia.es

-Debaixo das publicidades tes como contactar connosco
se queres axudarnos poñendo a túa-

-COLABORA COA NOSA WEB-

Queres que a tua publicidade salga en todas as nosas noticias?…

Por moi pouco a tua publicidade chegará a milleiros de persoas o día, pois somos o medio de maior difusión da Costa da Morte con moita diferenza e cun espectro de alcance de pobos e persoas, moi extenso, con máis de 60.000 usuarios rexistrados e antre 20.000 e 36.579 visitas o día, triplicando ao segundo medio de comunicación máis seguido e cuadruplicando o terceiro.

Se queres anunciarte connosco e colaborar ca nosa web, contacta connosco no email info@piratasdemuxia.es ou no teléfono : 626 72 00 47.

Consúltanos que tipo de publicidade queres, por un ano cobramos menos ca outros, (de repercusión moi inferior), nun día, semana ou mes.

-Axudándonos a funcionar, axudaraste a que che coñezan-