CRÓNICAS, RESULTADOS E CLASIFICACIÓN : “ARRINCOU A PRIMEIRA FUTGAL G2 CON 3 EMPATES E 2 DERROTAS PARA OS EQUIPOS COSTEIROS”.

Arrincou a Primeira Galicia G2 coa ilusión dos equipos da Costa.

A tempada 2025/26 da Primeira Galicia G2 botou a andar esta fin de semana, tal como xa vos avanzamos nas nosas previas, e os equipos da Costa estreáronse coa súa dose de emocións, empates, derrotas e moita ilusión polo que está por vir. Especial mención merece o Camariñas FC, que debutaba na categoría e fixo fronte a un dos “cocos”.

CF Muxía: punto de mérito en Tordoia

O CF Muxía comezou a campaña visitando un campo sempre complicado como é o da SD Tordoia. O encontro rematou cun xusto empate (1-1) que permite aos muxiáns estrearse sumando. Adiantáronse os de Sergio “Pataca” aos 7 minutos de xogo cun tanto de Fran Moreira e empataba Abel Torres para os tordoieses no 36. O equipo muxián amosou solidez e capacidade de resposta, algo fundamental para unha liga longa onde cada punto pode marcar diferenzas.

Camariñas FC: un debut serio e competitivo

O Camariñas FC, debutante na categoría, asinou un empate sen goles (0-0) fronte ao Bertamiráns CF. O conxunto camariñán, a pesar da lóxica incerteza do debut, competiu con oficio e deixou boas sensacións ante un rival con experiencia e dos chamados a estar arriba. O punto sabe a premio e reforza a idea de que este equipo pode dar guerra nesta nova aventura.

SD Fisterra: derrota pola mínima no Ara Solis

Non puido ser para a SD Fisterra, que caeu na casa ante o Calo SR (1-2). O equipo verde estivo preto de sumar, un gol no 94 cando o resultado era de 1-1 decantou o choque para os visitantes. Mateo adiantaba aos fisterráns no 48 e empataba o Calo de penalti no 69´. Foi o gol de Crístian Vieites no desconto final o que rompía a igualada e deixaba aos fisterráns co mel nos beizos. O Fisterra mostrou argumentos pero a sorte non estivo a seu carón.

SD Castriz : loita sen recompensa en Caión

O Castriz SD tamén arrincou con derrota, esta vez a domicilio fronte ao Club do Mar Caión (2-1). O conxunto xalleiro veu como aos 2 minutos de xogo xa se adiantaba o equipo caionés, un dos chamados a loitar polo ascenso. A hora de encontro chaga o segundo dos de Caion, por medio de Tiago. Acurtou distanzas no 81´Adrián García pero non chegaría o empate a pesares de buscalo. Tocará repoñerse e buscar os primeiros puntos na vindeira xornada.

SCDR Esteirana: portería a cero e empate

A SCDR Esteirana abriu a tempada cun empate sen goles (0-0) fronte ao SD Cacheiras. Os de Esteiro amosaron órde defensiva e solidez, faltoulles pegada arriba, pero sumar no debut sempre é positivo.

Balance xeral dos nosos

A primeira xornada deixa tres empates e dúas derrotas para os equipos da Costa. A nota positiva é que tanto CF Muxía como Camariñas FC e SCDR Esteirana estreáronse sumando, mentres que SD Fisterra e Castriz SD buscarán a reacción nas próximas datas.

A liga é longa e isto só acaba de empezar, pero a ilusión e as gañas de competir destes equipos están máis vivas ca nunca.

Resultados da Xornada 1

• SD Tordoia 1-1 CF Muxía

• Camariñas FC 0-0 Bertamiráns

• SCDR Esteirana 0-0 SD Cacheiras

• Club do Mar 2-1 Castriz SD

• SD Fisterra 1-2 Calo SR

• Vizoño SD 0-2 CSD Arzúa

• Queixas CD 1-0 UD Bastavales

• Praíña Sp C 1-2 Cire Melide

• Boimorto CF 5-2 R San Lorenzo