Crónicas e moito máis da 8ª xornada da 3ª da Costa : “Porteño e Corcubión manteñen o pulso e o Xallas B, únese a loita”.

in 3a da Costa, Fútbol da Costa

O Corcubión colider co Porteño.

AVISO

A cronoloxía dos goles e os autores dos mesmos, son sacados das actas arbitrais que publica a RFGF.

3ª DA COSTA

8ª Xornada

Domingo 12 de Nadal

Atlético Pereriña 0-2 CF Porteño

Hora : 16:00

Campo : “Sampaio de Refoxos”, (Xallas-Cee)

Colexiado : Lucas Vicente Vidal. Amosoulle 3 cartóns amarelos os locais e 1 aos visitantes.

Duelo no cúmio para tratar de saber a fortaleza dos equipos de arriba. Os da Pereiriña tiñan a oportunidade de engancharse aos da parte de arriba, e os da Ponte do Porto de abrir fenda e coller de novo o liderato, trala vitoria do Corcubión o sábado, ante o Camelle, outro dos que podía engancharse arriba. Os porteños tiñan no xove, Alan Suárez a estrela do equipo. O xogador xuvenil facía os dous goles, o primeiro no minuto 6 e o segundo pasada a hora de xogo, (62´). O choque foi tremendamente disputado de principio a fin.

SD Laxe 2-3 Xallas FC “B”

Hora : 16:15

Campo : “Cabo d´area”, (Laxe)

Colexiado : Manuel Espasandín Romar. Amosoulle 4 cartóns aos locais e 3 aos visitantes.

O Xallas FC “B” presentou credenciais de cara a loitar por todo, ante un dos equipos que viña en “crecendo”, nun duelo que se dilucidou no desconto, cun tanto de Sergio Barbeira cando o marcador era de 2-2. Comezou marcando o equipo laxense por medio de Mohedano aos 15 minutos de xogo e Fernando Pensado, un asíduo dos goles xalleiros facía o do empate antes do desconto, (41´). No treito final da segunda metade, Paredes, facía o 2-1, (77´), e Pensado volvía a poñer o empate no marcador, (86´),para que Sergio rompese as táboas no desconto e poñer aos xalleiros a 2 puntos dos dous líderes, Corcubión e Porteño.

Sporting Seaia CF 5-0 CF Castrelo

Hora : 16:30

Campo : “Pedra Queimada”, (Malpica)

Colexiado : David Vázquez Lema. Non amosou ningún cartón.

Encontro sen historia no que os seaieses deixaron finiquitado o encontro na primeira metade cun claro 3-0, con goles de Parga, (17´), Ferreiro, (18´) e Fabián, (24´). Pouco tiñan que facer os vimianceses que chegaban o encontro cun so troco. Na segunda metade completaban a “manciña”, Iván, (74´) e José Suárez, (desconto).

Sábado 11 de Nadal

UD Corcubión 3-2 SD Camelle

Hora : 16:15

Campo : “Novo Cubaleiro”, (A Redonda-Corcubión)

Colexiado : Daniel Martínez Ferreiro. Amosoulle 4 cartóns aos locais e ningún aos visitantes.

Encontro cunha parte para cada equipo. Ainda que comezou adiantándose o equipo camelláns cun golazo do muxián, Rodri, ex do Corcubión, aos 3 minutos de xogo, foi mellor o equipo corcubionés, que asediou a porta defendida por Roi e consigueu empatar por medio do “killer” corcubionés, Iago Lema. O descanso deixaba o equipo camellán a dous xogadores fora por lesión, Huchiño e o Ruso. Na segunda metade estivo mellor o equipo camellán, pero desperdiciou ocasións para empatar e en troques no desaproveitaba as suas o equipo local, que conseguía o gol da remontada pasada a hora de xogo por medio de Luis Lago, (63´), Cando parecía que podía chegar o empate, Mario Suárez finiquitaba o encontro, (88´). O gol dos camelláns chegaba pouco despois no desconto, pero xa sen tempo para máis. Con esta vitoria os corcubioneses póñense líderes en solitario a espera do que faga o Porteño este Domingo ante o Atlético Pereiriña, noutro choque da parte alta da táboa.

SD Ameixenda 1-5 SD Oza

Hora : 16:00

Campo : “Sampaio de Refoxos”, (Xallas-Cee)

Colexiado : Manuel Rodríguez Rojo. Expulsou con dobre cartón ao local Saulo, (25´e 67´), e amosoulle un amarelo o visitante, Kevin.

A pesares de que se adiantaron os da Ameixenda por medio do muxián de Morpeguite, Samuel Castreje, os da parroquia carballesa foton mellores en ambos tempos. O descanso íanse os equipos os vestiarios co resultado de 1-2, remontando os de Oza con goles de Kevin, (18´e 40´). Nada máis reanudarse o choque, David facía o terceiro dos visitantes, (50´), e non era ata o 81, cando Alejandro mataba oi encontro. O quinto vhrgaba no desconto por medio de Jesús Amado.

CLASIFICACIÓN