DIVISIÓN HONRA VETERANOS
6ª Xornada
Domingo 26/10/2025
SD Oza 1-1 Club Deportivo Razo
Atlético Carballo SD 2-2 ACD San Ramón
Soneira Veteranos 3-0 SCD Buño
ADCV Ponteceso 1-2 Veteranos CF Dumbría
SD San Lorenzo 3-1 Sporting Zas
CF Cances 1-0 SD Coristanco
ACD San Román – SD Castriz, 01/11
Comentario xeral
A sexta xornada da División de Honra de Veteranos deixou emoción, goles e movemento na zona media da táboa, aínda que o San Ramón mantén o liderado con 14 puntos despois do seu empate (2-2) en Carballo fronte ao Atlético.
Por detrás, o Cances continúa como principal perseguidor grazas ao seu triunfo pola mínima (1-0), cun tanto de Iván Torres no 91´ ante o Coristanco, que segue afundido na parte baixa. O Sporting Zas, con 11 puntos, non perdeu comba a pesar da derrota en San Lorenzo (3-1), mentres que o San Román, que xogará o seu partido aprazado o 1 de novembro ante o Castriz, tamén podería situarse nos postos de cabeza se suma algo positivo.
O Soneira asinou unha das vitorias máis sólidas da xornada (3-0) ante o Buño e xa se coloca con 10 puntos, ás portas do grupo perseguidor. Pola súa banda, o Veteranos Dumbría logrou un importante triunfo en Ponteceso (1-2) que lle permite coller aire e afastarse da zona perigosa.
Na parte baixa, Ponteceso (3 puntos) e Oza (4) seguen pechando a clasificación e, a día de hoxe, serían os dous equipos en postos de descenso directo.
A competición continúa moi apertada e, tras seis xornadas, queda claro que esta División de Honra promete loita e emoción ata o final, tanto pola cabeza como pola permanencia.
Parón polo Samaín
A liga para ata o vindeiro dia 9 de Novembro por mor da celebración do Samaín, pero non de todo pois este sábado 1 de novembro xogarase o San Roman-Castriz, adiado nesta xornada que comentamos.
O Cances sube a segunda posición.
CLASIFICACIÓN
PREVIA
7ª Xornada
Domingo 09/11/2025
SD Oza – Soneira Veteranos
SCD Buño – ADCV Ponteceso
ACD San Ramón – ACD San Román
Sporting Zas – CF Cances
Club Deportivo Razo – SD Coristanco
Veteranos Dumbría – Atlético Carballo SD
SD Castriz – SD San Lorenzo
-Fotos : Yoli/CF Cances
-Texto : Xosé Búa “Pirata”