O Dumbría goleou as colistas.
A derrota do Pstoriza ante o Carral, (3-1), volve a poñer no máis alto o Xallas de Eloy García que goleaba ao Orillamar, (5-0), pola sua banda o Dumbría facíalle unha “manciña” ao Silva, (0-5), para seguir afianzándose na zona nobre e o único que colleitaba un resultado negativo era o Cee que se vía superado no derradeiro treito do encontro ante o Sporting Burgo, (5º clasificado). As ceenses vencían por 1-0 no minuto 70 e acababa perdendo por 1-3.
GOLEADORAS
Eva Lema, (CF Dumbría), fixo dous tantos e ponse con 264, (3 p), en 22 choques. Ánxela Prado, (CD Lugo B), non marcou pero segundo chanzo con 23 goles en 22 choques, e empata con ela no segundo chanzo Lucía Camisón, (SCD Pastoriza), con 23 en 23 choques. Terceira agora en número de goles é Paula Veiga, (UC Cee), con 20, (2 pen), en 18 encontros.
Agradecémosvos que se vedes algún erro que nos avisedes.
2ª GALEGA FEMININA G1
-25ª Xornada-
-30/03/2025-
Xallas FC 4-0 Orillamar SD
Silva SD 0-5 CF Dumbía
PM Friol B 2-4 SD Tordoia
Orzán SD B 4-2 UDJ Almeiras
Cultural Maniños 2-0 CD Lugo B
Brexo Lema SD 2-1 Sporting Meicende
UD Carral 3-1 SCD Pastoriza
UC Cee 1-3 Sporting Burgo
CRÓNICAS
Silva SD 0-5 CF Dumbría
Santi Cubelo, (Adestrador do CF Dumbría) : “Partido marcado polo calor, iniciaríamos enchufadas contra un equipo que nos dou a sensación de que se están deixando ir asumindo xa o seu destino, por momentos intentaban sobre todo algunha individualidade, pero non puideron crear perigo en gran parte polo bo facer defensivo do equipo.
Poñeríamonos pronto por diante con dobrete de Eva, e a partires de aí o partido colleu velocidade de cruceiro, sendo máis ben un trámite, e aínda anotaríamos o terceiro antes do descando.
A volta de vestuarios saimos coa idea de sentenciar rápido e así sería, desde ese intre pouco reseñable en ningún equipo, intentamos circular e xerar, pero sin profundizar”.
Goles : 0-1, Eva Lema, (13´); 0-2, Eva Lema, (22´); 0-3, Mariña, (30´); 0-4, Paula Fandiño, (50´); 0-5, Mariña, (60´).
O Xallas manda na liga.
Xallas FC 4-0 Orillamar SD
Eloy García, (Adestrador do Xallas FC) : “Partido que dominamos de principio a fin, con moi bo xogo combinativo. Adiantámonos no minuto 1 tras un saque de curruncho, no que o balón queda solto e Otero envía as redes pola escadra. O segundo chegaría por medio de Facal tras unha gran 1vs1 de Barcia na banda que saca un moi bo centro e coa súa perna mala mete o segundo. O terceiro chegaría nunha xogada ensaida de saque de curuncho no que Espasandín mete un moi bo gol.
Tralo descanso facemos cambio e seguimos domindando, só tivemos un susto nun mal entendemento de Rosío e Carla, no que dubidan e a dianteira rival adiantase a elas e envía o balón ao lateral da portería. O cuarto chegaría tras unha falta botada por Noe, no que a porteira non atalla o balón e Yaiza coa caña de pescar, finiquita o partido.
Depois teríamos algunha ocasión por medio de Oli ou Marta. Gran partido das nosas. Queda menos…+ 3″.
Goles : 0-1, Andrea, (1´); 2-0, Claudia, (25´); 3-0, Espasandín, (30´); 4-0, Noe, (80´).
UC Cee 1-3 SportingBurgo
Goles : 1-0, Saray, (21´); 1-1, Tamara, (70´); 2-1, Yadira, (78´); 1-3, Jade, (90´).
Se alguén, (xogadora, directivo/a, colaborador/a do clube, afeccionado/a), quer colaborar mandándonos a información do UC Cee femeinino pode facelo contactando connosco.
-CLASIFICACIÓN-
1º Xallas FC : 65 puntos
2º SCD Pastoriza : 63 puntos
3º UD Carral : 54 puntos
4º Orzán SD B : 51 puntos
5º Sporting Burgo : 48 puntos
6º SD Tordoia : 47 puntos
7º CF Dumbría : 46 puntos
8º UC Cee : 42 puntos
9º PM Friol B : 28 puntos
10º CD Lugo B : 27 puntos
11º Brexo Lema SD : 24 puntos
12º Cultural Maniños : 23 puntos
13º Orillamar SD : 22 puntos
14º UDJ Almeiras : 17 puntos
15º Sporting Meicende : 14 puntos
16º Silva SD : 8 puntos
-PREVIA-
-26ª Xornada-
-06/04/2025-
Orillamar SD – CF Dumbía, ás 12:15 horas
SD Tordoia – Silva SD, ás 12:00 horas
UDJ Almeiras – PM Friol B, ás 12:30 horas
CD Lugo B – Orzán SD B, ás 16:00 horas
Sporting Meicende – Cultural Maniños, ás 17:00 horas
SCD Pastoriza – Brexo Lema SD, ás 17:00 horas
Sporting Burgo – UD Carral, ás 19:30 horas
UC Cee – Xallas FC, ás 20:00 horas
AVISOS
-A data e os horarios son oficiosos non oficiais polo que poden trocar, poñerémolos fixos na “AXENDA PIRATA” o vindeiro venres.
-As manifestacións dos adestradores son propias, polo que piratasdemuxia.es non se responsabiliza das mesmas.
-Estamos abertos a recibir comentario de adestradores ou diretivos, ou fotos dos encontros. Algúns prefiren non opinar, cousa que respetamos, de todas formas coma sempre poden contactar connosco no whatsapp : 626720047, e que sempre quede claro que non poñemos duns e doutros non, poñemos as dos que queren colaborar mandándonolas cada semana, cousa que agradecemos en beneficio de dar relevancia e visibilidade o noso fútbol.
-Foto Xallas : Eloy García
-Foto Dumbría : FaceBook Dumbría Feminino
-Texto : Xosé Búa “Pirata
-Comentarios : Os adestradores