2ª GALEGA FEMININA G1
-
-1ª Xornada-
-
- -RESULTADOS-
-
Bergantiños FC B 2-1 Eirís S.D.
-
CF Dumbría 5-3 S.D. San Lázaro
-
CF Muxía 4-2 CF Corme
-
A.D. Nicrariense 2-1 Brexo Lema S.D.
-
Victoria C.F. C 3-0 S.D.C. Órdenes
-
S.D. Tordoia 6-1 Unión Club Cee
-
Orillamar S.D. 0-6 S.C.D. Milagrosa
- Descansa: SCDR Esteirana
-
Comentario dos encontros
Todo aquel adestrador que queira deixarnos a sua visión do encontro do seu equipo pode facelo no whatsapp 626 72 00 47. Só poñeremos as impresións dos que nolos manden.
-Crónica xeral dos equipos da Costa-
A primeira xornada deixou un bo balance para os conxuntos da Costa. O Muxía levou o derbi ante o Corme, que competiu moi ben ata o treito final. O Dumbría conseguiu unha espectacular remontada fronte ao San Lázaro, mentres que o Bergantiños B estreouse con vitoria grazas ao acerto de Lucía Canosa. Pola contra, o UC Cee caeu con claridade en Tordoia. A Esteirana descansou nesta xornada.
Crónicas
Bergantiños FC B 2-1 Eirís SD
Gran debut do filial carballés, que se impuxo cun dobrete de Lucía Canosa. O Bergantiños dominou a primeira parte e colleu unha renda suficiente para controlar un segundo tempo máis apertado, no que o Eirís recortou diferenzas.
Goles:1-0, 19´ Lucía Canosa; 2-0, 39´ Lucía Canosa; 2-1, 71´ Joana.
CF Dumbría 5-3 SD San Lázaro
O Dumbría asinou unha remontada espectacular. Tras un inicio moi negativo (0-2 aos sete minutos), o equipo foi quen de reaccionar con carácter e darlle a volta ao choque. Mariña e Paula Fandiño, con dous tantos cada unha, foron decisivas para sumar os primeiros tres puntos.
Goles:0-1, 3´ Ana Carballo; 0-2, 7´ Irene Rebolo; 1-2, 33´ Mariña; 1-3, 47´ Irene Rebolo; 2-3, 48´ Adriana; 3-3, 69´ Paula Fandiño; 4-3, 72´ Mariña; 5-3, 94´ Paula Fandiño.
CF Muxía 4-2 CF Corme
O derbi en Arliña foi moi intenso. O Muxía, dirixido por Noe Iglesias no seu debut, mostrou oficio para remontar no tramo final a un Corme moi competitivo que chegou a poñerse por diante.
O técnico cormelán Rubén Souto analizouno así o encontro:
“Primeiro partido para estrear a nova categoría, onde nos desprazamos a Arliña a competir cun Muxía que está chamado a ser quen lle discuta o título ao Tordoia, cun equipo moi competitivo xa do ano pasado e cunhas incorporacións que marcarán moitísimo a diferenza nesta liga.
Condicionamos moito o partido para que elas non estivesen cómodas e, cando nós tivemos o balón, facerlles dano, sabendo que un equipo do seu potencial sempre che vai xerar ocasións, pero penso que conseguimos facer ambas cousas ata o último tramo de partido.
Adiantaríanse nunha acción individual espectacular de Eva Lema, que dez minutos despois seriamos quen de empatar nun balón lonxano de Carla que xerou un rexeite e aproveitou Cris para marcar.
Unha primeira parte moi igualada onde o meu equipo executou moi ben o plan de partido que levabamos preparado.
Saímos na segunda con moita confianza, pero tamén é certo que o Muxía saíu moito mellor que na primeira parte e cunha marchiña máis. Aínda así puxémonos por diante no marcador cun balón loitado moi ben por Nati ata a liña de fondo e dando un pase atrás para que volvese marcar Cris para o 1-2. Aí si que o Muxía empezou a apretar e a encerrarnos atrás e, nun tiro exterior de Laura (¡que marabilla de xogadora!), meterían o 2-2.
Xusto na seguinte xogada conseguimos xerar un man a man con Vero que parou moi ben a nosa veciña. A partir de aí o Muxía foi crecendo e empezando a dominar con máis claridade. Co 2-2 tivemos que facer os cambios obrigados de Nati, que estaba sendo das mellores do partido, e tamén de Saskia, que todos sabemos o que nos dá en defensa. Sen ambas, si que penso que fomos superadas ao 100% por este gran Muxía.
Estou moi orgulloso do meu equipo. Quizais este ano os obxectivos sexan distintos, pero que ninguén se esqueza que este vestiario é o dun equipo campión, e competiremos cada partido como tal.”
Goles:1-0, 9´ Eva Lema; 1-1, 19´ Cris Veres; 1-2, 50´ Cris Veres; 2-2, 56´ Lau Doce; 3-2, 87´ Barca Toba; 4-2, 88´ Eva Lema.
SD Tordoia 6-1 UC Cee
O UC Cee tivo un debut duro ante un dos favoritos a zona alta. O Tordoia foi moi superior dominando as duas partes. As ceenses quedaban cunha xogadora menos no 69 cando Nerea Suárez vía o segundo cartón amarelo, xa con 5-1 no marcador.
Goles:1-0, 21´ Rebeca Puente; 2-0, 40´ Ana Domínguez; 3-0, 41´ Andrea Costa; 3-1, 43´ Nayara Casais; 4-1, 45´ Andrea Costa; 5-1, 60´ Ana Domínguez; 6-1, 77´ Rebeca Puente.
Clasificación
-
SCD Milagrosa – 3
-
SD Tordoia – 3
-
CF Dumbría – 3
-
CF Muxía – 3
-
Bergantiños FC B – 3
-
AD Nicrariense – 3
-
Unión Campestre – 3
-
Victoria CF C – 3
-
SCDR Esteirana – 0
-
Brexo Lema SD – 0
-
Eirís SD – 0
-
San Lázaro SD – 0
-
CF Corme – 0
-
Cultural Maniños – 0
-
SDC Órdenes – 0
-
UC Cee – 0
-
Orillamar SD – 0
-
2ª Xornada
-
– 28/09/2025
-
SCDR Esteirana – Orillamar SD, ás 12:00 horas
-
Unión Campestre – CF Muxía, ás 12:30 horas
-
SD San Lázaro – SD Tordoia, ás 16:00 horas
-
CF Corme – CF Dumbría, ás 17:00 horas
-
Eirís SD – Victoria CF “C”, ás 18:00 horas
-
SCD Milagrosa – Cultural Maniños, ás 18:00 horas
-
SDC Órdenes – AD Nicrariense, ás 18:30 horas
-
UC Cee – Bergantiños CF B, ás 18:30 horas
-
Descansa: Brexo Lema SD
-
(Os horarios son oficiosos non oficiais)
-
-Fotos e texto : Xosé Búa “Pirata”
-
- Descansa: SCDR Esteirana