CRÓNICAS DOS ENCONTROS DO FISOBER FSF, QUE EMPATABA NA ESTRADA, (3-3), NA PREFERENTE GALICIA E DOS SEUS EQUIPOS DE BASE.

PREFERENTE GALICIA

(LIGA AUTONÓMICA)

O Fisober FSF trouxo 1 punto do “Coto Ferreiro” da Estrada.

PASTELERÍA CERVELA A ESTRADA FUTSAL 3-3  FISOBER F.S.F. 

ESTRADA: Yaiza, Lucía Alvárez, Patri, Lucía González, Alba ; Tamén xogaron : Iria , Noelia, Natalia Mercedes, Sara, Sonia.

FISOBER : Lía, Paula Fandiño, Adriana, Carre, Mai ; Tamén xogaron : María Maroñas, Saray, Kenny, Sharay, Uxía, María Dumbría.

.

ÁRBITROS : Iván Vidal, María Rey.

GOLES : 1-0 min 4 p.p. , 1-1 min 5 Adriana, 1-2 Adriana, ( descanso ), 1-3 min 28 Kenny, 2-3 min 28 Natalia Mercedes, 3-3 min 32 Lucía González.

Incidencias : Partido correspondente a 16 ª xornada de liga na Preferente Galicia – Liga Autonómica disputado na tarde do sábado no P. Coto Ferreiro de A Estrada.

.

CRÓNICA

.

O Fisober sacou un importante punto nun bo partido ante o terceiro clasificado e unha das súas bestas negras no que incluso chegou a ir con vantaxe de dous goles, no que voltou a marcar Adriana en racha dende que voltou da lesión, pero no que a meiga das lesión voltou a cebarse cas costeiras e desta vez caeu Carre que está pendente do diagnóstico na lesión de xeonllo.

Saíron arriscando as locais co xogo de cinco , pero unha parada de Lía e o seu lanzamento aproveitando a porta valeira das estradenses case da o primeiro gol costeiro.

As locais aproveitaban unha contra para voltar poñer en apuros a Lía. A resposta visitante foi dun envío de Lía para Mai que a porteira neutraliza in extremis.

Aos catro minutos unha xogada local e o infortunio de Paula Fandiño poñía o primeiro gol local en propia porta.

Non tardaron en respostar as costeira xa que Paula Fandiño envíaba para Adriana que sigue ao seu e facía a igualada.

O partido seguía con ocasións e agora era Adriana a que se esforzaba en defensa para salvar baixo paus.

Unha xogada entre Adriana e Mai case pon en vantaxe as costeiras.

Cando se chegaba ao último minuto da primeira metade unha contra do Fisober con pase atrás de Kenny é finalizada por Adriana para facer o segundo gol das costeiras. E antes de retirarse a vestiarios a punto estivo Adriana de completar o hattrick pero a vaselina foiselle por pouco.

A volta de vestiarios de novo Adriana tivo a tiro o terceiro visitante despois dunha xogada individual e tiro cruzado. Tamén Paula Fandiño de falta case o acada pero atopouse ca porteira.

O Fisober decidiu esperar a medio campo e saír a contra e nunha deses a cadete Kenny de tiro cruzado pon o terceiro costeiro.

Pouco lle durou a ledicia xa que case na seguinte Natalia Mercedes voltaba a reducir diferenzas.

Unha contra levada por Mai e finalizada por Kenny tivo o cuarto visitante a tiro. Pero a pouco máis de sete para o fin Lucía González de tiro exterior poñía o terceiro local.

E as malas novas non viñan solas xa que Carre se lesionaba nun mal xesto no xeonllo. E pouco despois un choque entre Kenny e Lía deu un novo susto as costeiras.

O partido estaba tolo primeiro Adriana tiña o cuarto , logo as locais e antes do fin Kenny tíñao ata en dúas ocasións.

As locais arriscaron ao final co xogo de cinco pero a igualada xa non se moveu.

A vindeira semana chega outro dos cocos a Dumbría o Leis Pontevedra.

.

.

CATEGORÍAS INFERIORES FISOBER

O Infantil masculino por 3-6.

.

As categorías inferiores do Fisober tiñan tódolos seus partidos o domingo.

Pola mañán para pechar a liga na Liga Galega Infantil feminina o conxunto do Fisober visitaba o P. M. de As Lagoas en Narón para enfrontarse ao Radiocar A Fervenza dentro da 10ª xornada. O resultado foi de tres a cinco a prol das costeiras.

Polo Fisober formaron : Alexia Suárez, Pauliña, Ruth, Sabela e Alexia Lorenzo ; tamén xogaron : Laura Blanco, Marta, Lara, Noa.

Marcaron polo Fisober : Pauliña e Alexia Lorenzo por partida dobre e Ruth. Unha vez finalizada a liga a vindeira semana da comezo a competición de Copa tamén visitando A Fervenza.

Unha vez finalizado este tamén para pechar a Liga Galega Cadete feminina o conxunto do Fisober tamén visitaba o P. M. de As Lagoas en Narón para enfrontarse ao Error Ferrol A Fervenza dentro da 10ª xornada. O resultado foi de catro a cero a prol das locais.

O conxunto costeiro chegaba pragado de baixas con tan só con dúas xogadoras cadetes.

Polo Fisober formaron : Alexia Suárez, Kenny, Ale, Alexia Lorenzo, Pauliña , tamén xogaron : Ruth, Laura Blanco, Sabela, Marta.

Unha vez finalizada a liga a vindeira semana da comezo a competición de Copa tamén visitando A Fervenza.

Pola tarde era a xeira na Primeira Galicia Infantil masculina para o conxunto do Fisober que visitaba ao Ex Alcohólicos Refuxio do Moucho dentro da 13ª xornada de liga. O resultado foi de tres a seis para os costeiros.

Polo Fisober xogaron : Brais Dono, Mario, Suso, Vila e Alex Blanco, tamén xogaron : Javi, Iago, Pablo, Borja, Julián e Javi Blanco.

Os goleadores costeiros foron : Vila en tres ocasións, Mario, Alex Blanco e Iago.

 

Darlle as gracias aos nosos colaboradores e adestradores pola sua colaboración na confección das crónicas, fotos, vídeos e todo que nos aportan en beneficio da información.

www.piratasdemuxia.es non se responsabiliza polas opinións vertidas polos colaboradores, sendo suas e intransferibles.

 

-Foto e Texto : Luis Sambad/Fisober FSF

++++

Informarche de que se nos estás seguindo polo móbil, que para ordenadores temos outro formato moito completo ca o que che pode ofrecer un móbil polas súas dimensións de pantalla.

Tamén informar que trocamos de email: admin@piratasdemuxia.es

Contrata a tua publicidade connosco e chegarás cada día a milleiros de persoas.

Patrocinadores e Colaboradores

Attachment

Utilizamos cookies propias e de terceiros para o correcto funcionamiento da web. Se continúa navegando, acepta o seu uso.

ACEPTAR
Aviso de cookies