CRÓNICAS : DERROTAS DE SOFÁN E DUMBRÍA NA 5ª XORNADA DA PREFERENTE NORTE.

RESULTADOS

• AD Miño 2-0 SD O Val

• SD Sofán 2-3 SDC Órdenes

• Cultural Maniños 0-4 San Tirso SD 

• CF Dumbría 0-2 Victoria CF 

• Betanzos CF 3-0 Dubra

• SD Burela 3-2 UD Paiosaco 

• CD Lalín 2-0 Cidade de Ribeira CF 

• Puebla Galicia CF 2-2 SD Pol

•  CRÓNICAS

SD Sofán 2-3 SDC Órdenes

O Sofán deixouse remontar un encontro que tiña encarrilado ante un dos equipos máis en forma da Preferente Norte. O conxunto carballés chegaba con ganas de confirmar o bo inicio de curso, pero o Órdenes, segundo clasificado por golaveraxe e empatado co San Tirso (12 puntos de 15 posibles), acabou demostrando por que é un dos candidatos ao ascenso.

O partido foi intenso, con moita fricción e ata oito cartóns (seis deles para o Sofán), nun choque que se decidiu no desconto. Os locais puxéronse por diante cun dobrete de Joel antes do descanso, pero o Órdenes reaccionou na segunda metade con oficio e acerto. Diego Martínez e Longueira neutralizaron a vantaxe, e xa no 91’ Román culminou a remontada deixando os tres puntos camiño de Órdes.

Goles: 1-0, Joel (24’); 2-0, Joel (42’); 2-1, Diego (55’); 2-2, Longueira (84’); 2-3, Román (91’).

CF Dumbría 0-2 Victoria CF

O Dumbría non puido frear ao Victoria nun encontro no que os visitantes foron máis efectivos na segunda metade. O equipo da Costa tentou levar a iniciativa, pero a falta de claridade nos últimos metros e o mazazo de dous goles seguido curtaron calquer atisbo de reacción.

O Victoria adiantouse o pouco de comezar o segundo tempo cun tanto de Alberto Benito e ampliou distancias dous minutos despois por medio de Daniel Lagares, tanto que sentenciou o choque. O Dumbría buscou reaccionar, pero non logrou perforar a portería rival.

Goles: 0-1, Alberto Benito (52’); 0-2, Daniel Lagares (54’).

CLASIFICACIÓN

• 1-San Tirso SD — 12 pts

• 2-SDC Órdenes — 12 pts

• 3-Victoria CF — 10 pts

• 4-SD O Val — 9 pts

• 5-SD Sofán — 9 pts

• 6-SD Negreira — 7 pts

• 7-Betanzos CF — 7 pts

• 8-CD Lalín — 7 pts

• 9-SD Burela — 7 pts

• 10-Puebla FC — 6 pts

• 11-CF Dumbría — 6 pts

• 12-SD Pol — 5 pts

• 13-Cultural Maniños — 5 pts

• 14-AD Miño — 4 pts

• 15-Cidade de Ribeira CF — 4 pts

• 16-Sigüeiro CF — 3 pts

• 17-UD Paiosaco — 3 pts

• 18-SD Dubra — 3 pts
  

-Foto e texto : Xosé Búa “Pirata”