CRÓNICAS DA 4ª XORNADA DA FASE DE ASCENSO A 1ª GALICIA : “O CORISTANCO EMPATA CA ESTEIRANA E FAI LIDER O MUXÍA NA LOITA POLO ASCENSO”.

O Coristanco freou a Esteirana.

 

FASE DE ASCENSO A 1ª GALICIA

 4ª Xornada

SD Castríz 1-2 Muxía CF 

Hora : 18:00

Campo : San Pedro, (Castriz)

Árbitro : Marcos Ordóñez Rodríguez

Choque xogado de porder a poder atre dous grandes equipos e no que se adiantaba o equipo muxián por medio de Gusa aos 25 minutos, gol que neutralizaba Adrián para os castricenses antes do descanso, (34´). Fran Moreira voltaba a sua cita co gol nada máis comezar a segunda metade, para meter aos muxiáns por diante, (47´). Puido pasar de todo ata o final, nun encontro cheo de tensión, polo que representaba. Foi expulsado o xogador muxián Aberl por dobre cartón, (66´e 73´), así coma por protestas o porteiro suplente dos xalleiros, e o delegado muxián.

 

SD Coristanco 0-0 SCDR Esteirana

Hora :17:00

Campo :  A Rocheira, (Coristanco)

Árbitro : David Cancela García

Empate inesperado dos esteiráns que perden a primeira praza en pos do Muxía que derrotaba o sábado ao castriz. Non se moveu o marcador nun tenso encontro no que os coristanqueses fixéronlle fronte a un Esteirana que ata o de agora só sumaba de 3 en 3.

 

Cabana SD 6-1 CD Muros 

Hora : 17:00

Campo : As Redondas (Cánduas-Cabana)

Árbitro : Carlos Señarís Balsas.

Brilante encontro do Cabana que simulou a Alcaráz facendo un set de tenis, ante un Muros que a pesares de meterse no encontro antes do descanso ao acurtar o 3-0 que tiñan os cabaneses con goles de Sergio, (5´e 16´), e Aarón, (30´), cun tanto de Xoaquín, (33´), víanse superados novamente na segunda metade polos cabaneses. Manuel, (54´), e Simón en dobre partida, (72´e 85´), facíans os 3 goles da segunda metade.

 

Clasificación 

Muxía CF : 14

SCDR Esteirana : 14 puntos

Cabana SD : 8

SD Castriz : 5

SD Coristanco : 4

CD Muros : 2

Especificar que poñemos que o Muxía CF vai lider porque así o recolle a clasificación da RFGF.

 

 

-Foto e Texto . piratasdemuxia