CRÓNICAS 9ª Xda da 3ª DA COSTA, RESULTADOS, CLASIFICACIÓN, PICHICHIS, PRÓXIMA XORNADA :

3ª DA COSTA

-9ª Xornada-

CRÓNICA DOS ENCONTROS

O Camelle-Camariñas albergou máis de 300 afeccionados o sábado.

O sábado presenciábamos en direto o derbi SD Camelle-Camariñas FC, no que houbo máis de 300 espectadores, para presenciar un choque que acabou con vitoria camariñana, pero que o máis xusto tería sido un empate, nun choque no que o lider indiscutible da competición, tirou de solvencia atrás, poderío no medio de campo, e eficacia diante, así como a dosis de sorte que ten un campión. Gozou de máis ocasións o equipo camellán, que acabou con 3 lesionados, e ata estragou un penalti e un tiro o poste, pero como decíamos na crónica que podes ver PREMENDO AQUÍ, o lider materializou as duas das que dispuxo, para convertirse no único equipo invicto da categoría, tras derrotar aos seus veciños, e tivo a sorte do campión nesas duas xogadas.

Afianza a segunda praza o Outes CF o aproveitar a derrota dos camelláns, e vaise  aos 9 puntos de distanza, (cun encontro máis), e non erraban ante o colista, UD Corcubión. Xa deixaban Martín, Adrián e Eloy o encontro finiquitado antes da media hora de xogo, e Simón de penalti facía o cuarto para os da Serra no treito final, no que os corcubioneses quedaban cun menos por expulsión con vermello direto de Mario Suárez. Xa no desconto Mario Lagoa facía o gol da honra para os do “Novo Cubaleiro”, (1-4).

Tamén aproveitou o UD Monte Louro a derrota camellana para situarse a 1 punto dos da “Terra de Mann”, tras derrotar a domicilio a un CF Castrelo que segue de capa caída, sen recuperarse da baga de lesións que os mermou considerablemente. Con 12 xogadores presentouse o equipo dos deportivistas de Vimianzo ante os seus afeccionados, e a pesares de que os de Louro poñíanse cun craro 0-2 antes da media hora de xogo, con dous tantos de Gabriel Hermida, conseguía neutralizar o gol na primeira xogada a volta de vestiarios, cun tanto de Capote. Pouco lles duaraba a ledicia, pois Antonio 5 minutos despois facía o 1-3 que sería definitivo, ante un Castrelo buscando meterse no encontro con máis corazón ca forzas, cun só home de refresco.

 

O SD Ameixenda vai a máis.

 

Vitoria ilusionante para o SD Ameixenda, que como decíamos vai a ir crecendo co paso das xornadas, pois é un equipo moi xove e desta volta derrotaba ao CF Porteño, (2-0), con goles de Adrián e David, (55´e 78´), para sumar a terceira vitoria da tempada.

Vitoria moi traballada do CD Nantón que deixou que lle perigase un craro 3-0 aos 67 minutos de xogo, para que en dez minutos o SD Laxe collese vida e se puxese cun 3-2 moi emocionante, pero non se movería o marcador. Quen si se tivo que mover foi o colexiado camellán, Alberto Baña, que tivo que cortar a tensión final con 4 cartóns vermellos, 3 para os laxenses, (Gustavo, Elías e Felipe) e 1 para os nantoneses, (Martín), todos en 2 minutos no desconto.

 

CLASIFICACIÓN

 

PRÓXIMA XORNADA

Ameixenda-Monte Louro : 24/11 ás 15:00 horas

Seaia-Castrelo : 23/11 ás 16:30 horas

Outes-Camelle : 24/11 ás 17:00 horas

Laxe-Corcubión : 23/11 ás 16:15 horas

Porteño-Nantón, (Por determinar)

Descansa : Camariñas

 

O xove Brandon fixo o gol da vitoria do Camariñas en Camelle.

 

PICHICHIS

1º-Javi Antelo, (FC Camariñas) : 10 goles en 9 encontros

2º-Brandon, (FC Camatiñas) : 9 en 8 

3º-José Louro, (UD Monte Louro) : 7 en 7

4º- : Martín, (FC Camariñas) : 7 en 7

5º-Iago Lema, (UD Corcubión) : 6 en 8, (1 de penalti)

6º-Santi Álvarez, (Outes CF) : 6 en 9

-Texto e Fotos : Xosé Búa “Pirata”/piratasdemuxia.es

++++

Informarche de que se nos estás seguindo polo móbil, que para ordenadores temos outro formato moito completo ca o que che pode ofrecer un móbil polas súas dimensións de pantalla.

Tamén informar que trocamos de email: admin@piratasdemuxia.es

Contrata a tua publicidade connosco e chegarás cada día a milleiros de persoas


Attachment

Utilizamos cookies propias e de terceiros para o correcto funcionamiento da web. Se continúa navegando, acepta o seu uso.

ACEPTAR
Aviso de cookies