CRÓNICAS 1ª GALICIA VETERANOS, (6ªXDA) : “O Corme segue imparable e suma a sexta de 6 encontros”.

1ª GALICIA VETERANOS

6ª Xornada

Domingo 19/10/2025

Deportivo Carballo 0-5 Corme CF

Cabana SD 1-2 Club Deportivo Leiloio

Soandres CF 6-3 Sporting Bértoa

Veteranos SCD Malpica 2-0 A Piña

CD Nantón 3-2 SD Fisterra de Veteranos

CF Mazaricos 1-0 SD Sofán

O Corme non dá tregua e Diego Pérez dispara o liderado

O Corme CF continúa a súa marcha imperial na 1ª Galicia de Veteranos, e fixo unha nova demostración de forza goleando a domicilio ao colista Deportivo Carballo (0-5). O equipo cormelán suma 18 puntos de 18 posibles, con diferenza de goles +22, e un Diego Pérez en estado de graza, autor dun novo triplete que o consolida como máximo goleador da categoría con 14 tantos. Moi por detrás queda Óscar Cancela, do Fisterra, con 8.

Por detrás do líder, o CD Nantón segue a resistir o ritmo tras impoñerse por 3-2 ao SD Fisterra de Veteranos nun duelo vibrante e de moita intensidade na loita pola zona de ascenso. O Nantón suma 14 puntos e mantén viva a loita polo segundo posto, aínda que o Corme parece, polo momento, xogar nunha liga á parte.

O Cabana SD e o Veteranos SCD Malpica, ambos con 13 puntos, completan o grupo perseguidor. O Cabana non puido sumar esta xornada tras caer na casa ante o CD Leiloio (1-2), mentres que o Malpica si fixo valer o factor campo ao superar con duas dianas de Ricardo no treito final para derrotar por 2-0 a A Piña, que queda con 10 puntos.

Na zona media, o Fisterra de Veteranos e o Leiloio comparten agora posición con 9 puntos, seguidos dun CF Mazaricos que logrou unha valiosa vitoria ante o SD Sofán (1-0) e suma 7. O Sofán queda con 6, mentres que Sporting Bértoa e Soandres CF, malia ofrecer un espectáculo goleador (6-3), seguen pechando o grupo con 3 puntos, por riba dun Deportivo Carballo que aínda non puntou nesta liga.