CRÓNICAS 10ª XORNADA PREFERENTE NORTE : “VITORIA DO SOFÁN E EMPATE DO FISTERRA”.

 

SD Residencia 1-1 SD Fisterra

Curtou o Fisterra a sangría de derrotas cunha igualada, moi traballada. Os rapaces que agora adestra Claudio Mirón, vían como a media hora de xogo se adiantaban os lucenses por medio de Dani López, pero non se viñan abaixo, coma outras veces. Na segunda metade, a recente incorporación do clube fisterrán, o dianteiro Ricardo Coria facía o gol do empate, (52´), para sumar o terceiro punto do curso, que non os saca do derradeiro posto na táboa, pero que polo menos é un punto positivo. Na vindeira xornada o Fisterra recibe no Arasolis ao SDC Galicia de Mugardos, (6º clasificado).

SD Sofán 3-1 SD Órdes

Encontro igualado, no que Dani Becerra adiantaba aos sofanistas, con só 6 minutos xogados. Un gol que era neutralizado polos ordeses ós 24 minutos, por medio de Yago. Xa na segunda metade Parafita conseguín poñer de novo por diante aos carballeses, e él mesmo mataba o encontro no 85, para non pasar tensións ata o final. Alcanzan os de Sofán ós 9 puntos, rebasando na táboa ao propio Órdes, rival direto, e o Club Lemos, que caía amte o SD O Pino, (3-1). O Sofán visita na vindeira xornada ó CF Portomarín, (penúltimo), no Chao da Poza.

 

-Foto arquivo e Texto : piratasdemuxia