CRÓNICA : O XALLAS DERROTA AO MUXÍA E COMPLETA AS SEMIFINAS DA “58ª COPA DA COSTA” NAS QUE SE VERÁ AS CARAS CO SOFÁN.

in 1ª Galicia (Grupo 2), 3a da Costa, Copa da Costa, Futbol, Fútbol da Costa, Liga da Costa, Preferente norte

-Cuartos de Final da “58ª Copa da Costa”-

Muxía e Xallas xogaron no Municipal do Conco.

Muxía CF 1-3 Xallas FC

Faltaba saber o rival do Sofán nas semifinais desta Copa da Costa e xogaban no Municipal do Conco, (Dumbría) o Muxía CF e o Xallas FC, un equipo da Liga da Costa que fixo unha brilante liga quedando subcampión, e que quedou apeado o pasado Domingo da loita polo ascenso a 1ª Galicia G2, pero días antes tivo, (fai unha semana), o encontro ante o Soneira nos Oitavos da Copa, e sentábanlle moi mal o clube muxián, que perdía a seu máximo baluarte en medio campo, Adrián Alcaina, cunha posible lesión grave de xeonllo, e tiña que sair Manu Nogueira, un dos pulmóns do equipo muxián con sobrecarga. Xogaba a fase de ascenso baixo mínimos, e chegaba a este encontro cun tanto por certo moi por debaixo do que nél é habitual, e xa non entraba no once inicial. O equipo muxián con varios xuvenís no na convocatoria tiña en frente un equipo que fixo unha gran tempada na 1ª Galicia e que quedaba as portas de loitar polo ascenso a Preferente no derradeiro encontro de liga, tras estar toda ela en postos de promoción. Un equipo que amosou estar máis descansado e cun nivel superior aos muxiáns, i que é un dos favoritos ao título.

Segundo nos informa a nosa colaboradora Marina Busto, adiantábase moi pronto o equipo xalleiro nunha xogada colectiva cando ainda non se chegara aos 10 minutos de xogo, e ampliaban ventaxe, tamén de xogada a media hora de encontro, resultado co que se chegaba ao descanso. O cuarto de hora do comezo do encontro chegaba o gol da sentenza cando os muxiáns trataban de enganchar algunha que lles dese un gol que os metese no encontro. Ese gol chegou preto da media hora de xogo e foi obra de Manu Nogueira, que entrou na segunda metade. Un gol que daba algo de emoción o encontro, pero xusto tralo gol os muxiáms quedaban cun menos por expulsión do gran capitán, Michael Vilela, e xa non se movería o marcador. Polo tanto quedan unhas semifinais sen sorpresas, con 1 equipo da Preferente e 3 da 1ª Galicia.

Muxía CF : Joselu, Ánxo Pose, Michael, Gusa, Congui, Fran Moreira, Álex, Iago Muiño, Isma Pose, Kevin e Mauro Romaní. Tamén estiveron : Ángel, Javi, Manu Nogueira, Darío e Xan Nogueira.

Xallas FC : Iván Couto, Aitor, Caneda, Doro, Carlos Riero, Jorge, Xan, Samuel, Esteban Capelo, Brais, e Juan de Selia. Tamén estiveron : Iker, Diego, Alejandro, Sergio Barbeira e Ángel.

Goles : 0-1, Xan, (8´); 0-2, Juan de Selia, (20´); 0-3, Esteban Capelo, (60´); 1-3, Manu Nogueira, (79´):

Ábitro : Manuel Rodríguez Rojo, con Manuel Espasandín e Iván Vilanova nas bandas. Expulsou antes do descanso o adestrador dos muxiáns, Diego Lobelos e o meta suplente muxián Ángel no banco, e no 72 a Michael. No Xallas amonestou a Xan Caridad.

SEMIFINAIS

11-18/06/2023

CD Baio-CF Dumbría

Xallas FC-SD Sofán