Tal e como vos apuntamos na previa a derradeira xornada da Liga da Costa tiña como único conto por resolver o enfrontamento antre o Baiñas e o Volantes de Baño para ver cal dos dous quedaría fora do descenso direto e cal estaría a procura de evitar o descenso seo Baio conseguía manter a categoría na 1ª Galicia e non facer que houbese un arrastre. O Baio xogou na mañán do Domingo e caía derrotado polo Tordoia por 4-1, o que facía que os baieses ratificasen o seu descenso de categoría, polo que o encontro Baiñas-Volantes pasase dun choque que podería ser vital, a ser un choque depresivo, con ambos equipos xa descendidos.
A polémica chega cos Play-Off, xa que un os enfrontamentos coinciden cas semifinais da Copa da Costa, nas que hai un Porteño-Muxía, (dobre partido), polo que ambos equipos perderán moito no económico e no futbolístico o coincidir estes enfrontamentos, xa que deberán pasar a eliminatoria dos Play-Off ao medio da semana, ou o que é o mesmo fora da fin de semana. Dende os muxiáns apúntannos que proporán que se xoguen os días 17 de Maio, “Día das Letras Galegas” e sete días despois o 24 a volta, (ambos en venres). Outro problema máis dunha Copa da Costa tan mal planificada e que esperemos que non se repita.
As eliminatorias de Play-Off de ascenso son Outes-Muxía e Mazaricos-Porteño. Os vencedores deberán xogar outra eliminatoria a dobre partido para saber quen acompañará o Castriz a 1ª Galicia G2 A Costa/Santiago.
O Muxía entergoulle un ramo de flores a Borja, fillo de Alejandro Torrado, (D.E.P.), que tristemente nós deixaba fai uns días despois dunha dura loita co cancro. Ademáis no encontro antre muxiáns e cormeláns na Arliña gardouse un sentido minuto de silencio.
CLASIFICACIÓN
1º Castriz : 80
2º Muxía : 61
3º Porteño : 58
4º Mazaricos : 56
5º Outes : 54
6º Ponteceso : 48
7º Corme : 48
8º Camariñas : 42
9º Cabana : 40
10º Coristanco : 38
11º Monte Louro : 37
12º Cee : 32
13º Muros : 27
14º Volantes : 20*
15º Baiñas : 20
16º Camelle : 14
* Descenso por arrastre
-Texto e montaxe : Xosé Búa “Pirata”
-Foto : Marina Busto