COMUNICADO DO RC DEPORTIVO QUE APARTA TEMPORALMENTE DAS SUAS FUNCIÓNS AO ADESTRADOR DO PRIMEIRO EQUIPO FEMININO AO SEU ADESTRADOR MIGUEL LLORENTE.

 

COMUNICADO RC DEPORTIVO

Nas últimas horas, comunicáronse na canle ética do RC Deportivo uns feitos e condutas supostamente realizadas polo primeiro adestrador do Dépor ABANCA, Miguel Llorente, estritamente relacionadas dentro do ámbito deportivo que non inclúen en ningún caso connotación sexual nin violencia.

Púxose en coñecemento inmediatamente do Compliance Officer (Encargado de cumprimento normativo) do Club que ha aperturado un expediente de investigación dirixido ao esclarecemento dos feitos.

Sen que supoña de ningún xeito prexulgar nin condicionar o resultado das investigacións que levan a cabo, o club decidiu que durante a tramitación do expediente de investigación e ata que recaia a súa resolución, as funcións de Miguel Llorente sexan asumidas por Kevin Cabado, adestrador do Dépor ABANCA B, dado que a segunda adestradora, Ana González, comunicara anteriormente a renuncia ao seu posto.

Kevin Cabado farase cargo, xunto ao resto do corpo técnico do Deportivo ABANCA, dos adestramentos e encargarase da dirección do equipo en competición se así fose necesario, mentres se traballa coa máxima celeridade para a resolución do devandito expediente.

O equipo continúa traballando con normalidade, centrado exclusivamente no reto deportivo que teñen por diante, coa partida fronte ao lider, o Levante Las Planas, do próximo domingo ás 12:00 en terras catalás.

O RC Deportivo non realizará máis consideracións sobre este asunto ata que os seus órganos de cumprimento normativo resolvesen o expediente aberto.

-Foto e Texto : RC Deportivo

Attachment

Utilizamos cookies propias e de terceiros para o correcto funcionamiento da web. Se continúa navegando, acepta o seu uso.

ACEPTAR
Aviso de cookies