Este vindeiro Domingo 26 de Xuño terá lugar no Campo da Arliña, (Muxía), unha semifinal das que se pode considerar unha final anticipada. Muxía CF e SD Fisterra vense as caras nun encontro oficial despois de moitos anos. Dous equipos históricos da Liga da Costa, que teñen un periplo nesta liga 2020/21, de moitos quilates.
O equipo muxián na Liga da Costa e quedándose fora do ascenso polo groseiro sistema de competición, no que só houbo un ascenso, e no que os muxiáns quedaron fora por golaveraxe co SCDR Esteirana, outro equipo que fixo unha tremenda campaña, e os fisterráns que fixeron na Preferente, unha gran liga e na que loitaron polo ascenso a 3º División, da que baixarón a tempada anterior.
O Muxía CF suma 14 encontros consecutivos gañando, e nun total de 25 encontros xogados nesta campaña, antre Liga, Fase de Ascenso e Copa, tan só perderon en 3, concretamente os 2 primeiros da liga, ante Outes FC e Camariñas FC, e ante a SCDR Esteirana, (3-2), o pasado 1 de Marzal, sendo esta a derradeira vez que bicaron a lona. Na Fase e na Copa, suman tódolos seus choques por vitoria. Suman en total, 20 encontros gañados, 2 empatados, e 3 perdidos, con 79 goles a favor e 36 en contra, (antre as 3 competicións).
O SD Fisterra que na liga perdeu 4 encontros e na Fase de Ascenso outros 4, caeu por derradeira vez 0 29 de Maio, no derradeiro encontro da Fase, ante o Atlético Coruña Montañeros, (4-0). Suman os fisterráns 16 encontros gañados, 11 empatados e 8 perdidos, (antre as 3 competicións), con 59 goles a favor e 42 en contra.
Na copa ambos equipos só tiveron que recoller o balón das suas redes nunha ocasión. Os muxiáns ante o CF Porteño, (1-4), e os fisterráns ante o SD Soneira, (1-3). Suman os da Vila da Barca 3 vitorias con 14 goles a favor e 1 en contra, e os da Vila do Cristo, tamén 3 vitorias, con 10 goles a favor e 1 en contra.
Con estes números augúrase unha semifinal moi aberta, que se compensa no referente a diferenza de categoría ca condición de local do equipo da Vila da Barca, no que se refire ao terreo de xogo, pois ambos contan cunha gran afección, que dará o Campo da Arliña un aspecto inmellorable, que xa quixeran moitos equipos de ligas superiores, ainda mellor ca nalgúns da 1ª RFEF, ou Segunda División, e que se nos apuramos, e tendo en conta a diferenza de poboación, xa querría algún de Primeira. Un verdadeiro “Choque de acorazados” da Costa.
UD Monte Louro-SCDR Esteirana
O vindeiro venres no Agra de Filgueira, a partires das 17:30 horas, saberase quen acompañará ao SD Castriz na outra semifinal..
-Foto e Texto : piratasdemuxia