Xa era todo un risco sair no día de onte na primeira etapa da “52ª Regata Rias Altas”, que comezaba no Náutico da Coruña e que remataba en Laxe, a onde chegaron os únicos 3 barcos que foron quen de capear o temporal do nordés do xoves, (dos 25 que ían a participar), que lles daba primeiro de barlovento e logo de popa, que sería unha travesía xenial se non fose con tanta forza. Conseguiron chegar os 3 onte a Laxe nesta primeira tirada.
No día de hoxe estes mesmos 3 barcos cargábanse de valentía e afrontaban de novo unha dura travesía, xa que a media mañán o temporal azotaba de novo. Chegaron a Muxía na tarde deste venres e máis tarde chegaría un cuarto que se unía para completar o resto da regata, pero xa sen opción a loitar polo título.
No porto deportivo de Muxía foron recibidos na Capitanía do mesmo por membros do “Marina Muxía”, o alcalde muxián, Javier Sar e polo Presidente de Protección Civil de Muxía, Ramón Barrientos, así coma membros do mesmo. Foilles entragados aos membrois das tripulacións os trofeos de 1º, 2º e terceiro da etapa e disfrutaron duns pinchos e non faltou a conversa do duro destas duas etapas e a pena de que moitos dos barcos non puideran sair.
Logo as tripulacións disfrutaron do que lles oferce Muxía en tradición, ocio e gastronomía, para coller forzas e mañán, xa con mellor tempo, ainda que co vento de proa disputar a terceira etapa que unirá por mar a Muxía e a Malpica, para xa no Domingo disputar a derradeira tirada da regata que une Malpica e A Coruña.
-Fotos e texto : Xosé Búa “Pirata”