Jaime Sánchez Muñoz (Chiclana de la Frontera, Cádiz, 11 de marzo de 1995) converteuse en novo xogador do Real Club Deportivo para a próxima campaña.
O defensa central gaditano, que asinou por unha temporada, chega despois de finalizar contrato co CE Sabadell, co que competiu o pasado exercicio na segunda categoría do fútbol nacional, e incorpórase xa esta tarde aos adestramentos na Cidade Deportiva de Abegondo despois de superar o recoñecemento médico nas intalacións de Quirón na Coruña.
Jaime formouse na EF Sancti Petri (2002-2009), equipo desde o que deu o salto ao Cádiz CF, en cuxas categorías inferiores militou durante tres temporadas (2009-2012). Entón foi fichado polo Real Madrid, onde finalizou o seu ciclo xuvenil e despois formou parte do Real Madrid C e do Real Madrid Castilla, ambos en Segunda División B.
Despois dunha cesión ao CE Sabadell no curso 2016-2017, en 2018 incorporouse ao Real Valladolid para xogar co seu equipo filial, co que chegou a disputar o playoff de ascenso a Segunda División na súa segunda campaña, a 2019-2020.
Ao longo das súas temporadas en idade sénior, Jaime acumulou 66 partidos en Segunda División B, aos que hai que engadir os 32 que disputou o pasado curso na categoría de prata co CE Sabadell, nos que anotou un tanto.
Ademais, o defensa andaluz alcanzou a internacionalidade en categoría sub-17 (5 partidos en 2012), sub-18 (2 en 2013), sub-19 (12 entre 2013 e 2014) e sub-21 (1 en 2014). Coa selección española sub-19 disputou a fase final do Campionato de Europa de 2013, xunto a un exdeportivista como José Rodríguez, na que España caeu ante Francia en semifinais.
Xa estuvo este luns adestrando
Jaime Sánchez estreouse esta tarde en Abegondo na segunda sesión de traballo prevista para hoxe luns.
O defensor andaluz, tras formalizar o seu contrato para esta temporada co Deportivo, foi un máis no terreo de xogo nun adestramento fundamentalmente táctico desenvolvido no campo 5 da Cidade Deportiva.
Jone Ibañez nova fichaxe do feminino
Jone Ibáñez Mazo (Galdakao, Biscaia, 22 de xullo de 1997) será xogadora do Deportivo ABANCA para a Temporada 2021-2022.
A centrocampista vasca procede do Athletic Club, ao que se incorporou en 2012, aos 15 anos, despois de comezar a xogar ao fútbol nas categorías inferiores do Lan Bide FI e do CD Galdakao.
No conxunto bilbaíno militou nove temporadas, das que as catro últimas formou parte do primeiro equipo. Con anterioridade, disputou os seus dous primeiros cursos integramente no conxunto B e os tres seguintes alternou aparicións no primeiro e segundo equipo.
Co filial disputou un total 93 encontros, nos que marcou 31 goles. Na primeira formación, coa que debutou o 25 de abril de 2015 nun triunfo branquivermello en Paterna ante o Valencia CF (0-2), acumulou 73 partidos e 2 goles en Primera Iberdrola e outros 5 choques en Copa da Raíña.
Jone Ibáñez foi internacional coa selección española sub-19 en varias convocatorias durante o segundo semestre de 2015, aínda que finalmente non acudiu á fase final do Campionato de Europa de 2016.
Kika Moreno deixa o equipo
-Fotomontaxe : piratasdemuxia
-Texto : RC Deportivo/piratasdemuxia