CH PALAFELL 0-4 DEPORTIVO LICEO : “O LICEO SEGUE A AGRANDAR A SUA HISTORIA CA DÚCIA DE VITORIAS CONSECUTIVAS”.

in -NOVA DESTACADA-, Hockey, Outros deportes

CH PALAFELL 0-4 DEPORTIVO LICEO

Ao seu. O Deportivo Liceo de Juan Copa non para de gañar. O Calafell súmase ás xa doce vítimas do seu hóckey, despois de que o equipo coruñés impuxésese por 0-4. O traballo foi excelente por parte de todos, cunha presión alta ben executada, pero houbo un nome que sobresaíu: o de Jordi Adroher.

Aos 40 segundos, o Liceo -vestido de branquiazul- xa lograra rematar dúas veces á meta de Xano Edo. A terceira finalización, de Marc Grau, pegou no seu pau. Pequenas mostras das ganas coas que os visitantes saíron ao partido, sumadas á presión asfixiante que lle exerceron ao Calafell. De todas as maneiras, o equipo catalán aguantou ben esta superioridade durante boa parte do primeiro acto. Mesmo gozou de dous achegamentos interesantes a Carles Grau, ferro incluído.

Pouco antes de chegar aos primeiros 20 minutos, unha pena máxima favorable ao equipo coruñés permitiulle adiantarse no marcador. O executor foi Jordi Adroher, que para non variar exhibiu a súa habilidade en bóla parada. O 2-0 estivo a tiro nunha falta directa protestada polo equipo de Pere Varias, pero Xano Edo detivo a oportunidade liceísta. A que non puido neutralizar foi a de Franco Platero, que si dobrou a vantaxe (minuto 23) mediante un mísil afastado.

Francotirador Jordi Adroher
Nunha xogada caótica, César Carballeira reclamou o 0-3 pouco despois de regresar á pista do Joan Ortoll, pero os árbitros do encontro non viron gol algún. De todos os xeitos, este accidente demostrou que o Deportivo Liceo volvera ao partido igual que entrara nel. Tamén marcou (0-3) grazas a unha bóla parada de Jordi Adroher, que asinou un novo tanto para a súa conta particular.

Calquera que vise un mínimo de partidos sabe do talento do xogador catalán neste tipo de accións, pero Calafell foi o escenario dunha master class. A falta de tres minutos, colocou o 0-4 con outra falta directa executada ao nivel dos xenios.

Doce vitorias en doce partidos. 36 puntos de 36 posibles. O venres 16 tocará buscar a décimo terceira consecutiva ante o Caldes no Palacio dos Deportes de Riazor.

FICHA TÉCNICA

CP CALAFELL: Xano Edo, Arnau Xaus, Oriol Palau, Guido Pellizzari, Eloi Mitjans (cinco inicial), Sergi Tornei, Jordi Munné, Pol Jansa e Sergi Romeu.

DEPORTIVO LICEO: Carles Grau, César Carballeira, Franco Platero, Marc Grau, Jordi Adroher (cinco inicial), Roberto Dei Benedetto, Maxi Oruste e Nanu Castro.

GOLES: 0-1 (Jordi Adroher, min. 18). 0-2 (Franco Platero, min. 23). 0-3 (Jordi Adroher, min. 39). 0-4 (Jordi Adroher, min. 46).

ÁRBITROS: Gorina Bail e García Freixes. Sen tarxetas azuis.

INCIDENCIAS: Partido correspondente á xornada 12 da OK Liga 20/21. Pavelló Municipal Joan Ortoll, sen espectadores.

-Foto : David Valiente

-Crónica : https://www.hockeyclubliceo.com