Camariñas aposta por manter a forma nos fogares e continúa as actividades deportivas de xeito telemático

Diariamente, súbense as redes sociais do Concello os vídeos ou os pdf que prepararon os monitores.

Ademais, o monitor Alberto Baña leva a cabo un directo no seu Instagram todos os días ás 18 horas.

O Concello de Camariñas quere que a actividade non pare a pesar do confinamento decretado polo Estado de Alarma. Por iso, desde o comezo desta crise sanitaria, apostou por continuar levando a cabo as actividades deportivas. Iso si, de xeito telemático.

Diariamente súbense ás redes sociais municipais vídeos ou pdf coas instrucións para levar a cabo as diferentes clases. Ritmos latinos, ioga, patinaxe, pilates, Concello Activo… Son algunhas das actividades que xa se publicaron.

Ademais, un dos monitores das actividades deportivas municipais, Alberto Baña, está a ofrecer todos os días ás 18 horas desde o seu Instagram @albertobanatajes clases de ximnasia, core, baile, e outro tipo de circuítos.

O concelleiro de Deportes, Fabián Canosa, lembrou aos veciños e veciñas de Camariñas que “é moi importante quedar na casa pero tamén o é manter a rutina de facer deporte todos os días” e destacou que “ademais permite por un momento evadirnos de todo o que está a suceder”.

www.piratasdemuxia.es está aberto a pubricación de todo o que teña que ver con este duro trance que estamos a vivir coa expansión do COVID-19 que temos que tumbar antre todos. Como xa o fixemos con outros concellos, fose de informacións que concernían ao deporte ou non, podedes mandarnos os vosos procedementos a info@piratasdemuxia.es

 

-Foto : Google IMAGES

-Texto : piratasdemuxia.es/Departamento de prensa do Concello de Camariñas

 

Nos nosos “Vídeos Recomendados” na parte dabaixo da portada da web podes ver tódolos vídeos que vai colgando o RC Deportivo no mesmo instante en que os fai púbricos. Unha xentileza do noso clube que agradecemos e para disfrute de todos vos.

++++

Informarche de que se nos estás seguindo polo móbil, que para ordenadores temos outro formato moito completo ca o que che pode ofrecer un móbil polas súas dimensións de pantalla.

Tamén informar que trocamos de email: admin@piratasdemuxia.es

Contrata a tua publicidade connosco e chegarás cada día a milleiros de persoas.

Utilizamos cookies propias e de terceiros para o correcto funcionamiento da web. Se continúa navegando, acepta o seu uso.

ACEPTAR
Aviso de cookies