O Deportivo comezará a temporada en Riazor a última fin de semana de agosto ante o CF Rayo Majadahonda.
O primeiro partido lonxe da Coruña será na 2ª xornada, no Anxo Carro de Lugo a fin de semana do 2 ou 3 de setembro, no primeiro dos seis duelos galegos da temporada.
O Dépor pechará 2023 o 16 ou 17 de decembro con outro duelo rexional, no Carballiño ante o CD Arenteiro (xornada 17ª), e abrirá o ano 2024 o mércores 3 de xaneiro, na única xornada entre semana de toda a temporada, en ABANCA-RIAZOR fronte á Real Sociedad B.
A última fin de semana de maio, 25 ou 26, concluirá a liga regular, tamén en Riazor, contra o Real Unión Club de Irún.
As datas do playoff de ascenso, de novo en eliminatorias a ida e volta, son 1/2 e 8/9 de xuño para as semifinais; e 15/16 e 22/23 de xuño para as finais.
Aquí podes coñecer o calendario completo de Primera Federación.
Os nosos derbis
3 de setembro: Lugo – Depor
8 de outubro: Depor – C. Vigo B
17 de decembro: Arenteiro – Depor
28 de xaneiro: C. Vigo B – Depor
3 de marzo: Depor – Lugo
28 de abril: Depor – Arenteiro
-Foto e Texto : RC Deportivo/Xosé Búa “Pirata”