CADRO DE HONRA : “AS NOSAS ESTRELAS DA SEMANA”

 

 

“As nosas estrelas da semana”

 

 

Antía Ogando Búa campiona de España de Danza Coreográfica

A muxiana Antía Ogando Búa proclamouse a pasada fin de semana campiona de España de Danza Coreográfica en Guadalajara. Antía pertence ao grupo de baile deportivo “Narón Kids” e xa falamos máis dunha vez dos seus logros a nivel individual e colectivo. Esta é a cuarta vez que se proclama campiona de España coas suas compañeiras, 3 delas seguidas e o ano pasado subcampionas. O grupo está formado por nenas de antre 11 e 15 anos e un neno. Este novo éxito fai que levemos a Antiá o noso cadro de honra desta semana e por conseguinte a “Naró Kids”.

 

 

Martita López-Pardo xogadora revelación 1ª División Nacional de Fútbol Sala

A xogadora do Viaxes Amarelle FSF, Martita López-Pardo foi elixida a “xogadora revelación” da pasada 1ª División Nacional Feminina de Fútbol Sala. A pesares do descenso a 2ª División do clube herculino, Martita lembrará este ano con moito cariño e tentará retornar a máxima categoría do futsal feminino a vindeira tempada co clube coruñés co que ven de renovar para a tempada 2019/20. Por iste recoñecemento merece estar no noso cadro de honra e ser unha das estrelas da semana.

 

 

Adrián Ortolá Vaño un exemplo de compañeirismo

O meta suplente do Depor merece un recoñecemento e desta volta non é polas suas cualidades como porteiro que están fora de toda dúbida cando chega da canteira dun clube coma o Barcelona e por ser fichado polo RC Deportivo. Non tivo sorte de cara a xogar minutos o toparse cun Dani Giménez que estivo inmenso, pero a sua actitude de sentir as cores, de facer equipo, de animar os compañeiros, de celebrar os goles a favor como se os marcase él, ou de sufrir os goles en contra como se os encaixara él e o segundo despois estar animando a todos dende a banda e sen dar nunca unha mala palabra de disgusto, merece estar antre as nosas estrelas da semana e nos nosos corazóns. Quen sabe igual volve connosco, moi difícil pois é xove e precisa xogar, pero amosou ser unha estrela por corazón e compañeirismo.

 

 

 

Federación de Peñas Deportivistas un “10” de federación

Non nos cansamos de felicitar, alabar e agradecer o traballo da Federación de Peñas Deportivistas, pois o seu traballo durante toda a tempada e xa dende antes e agora, despois de acabar,foi i é impresionante. En todo intre a carón dos afeccionados e do equipo. Buscando simplificar e axudar a que todos puidésemos estar defendendo o noso escudo e as nosas cores, orgañizando viaxes, xantares, asembleas, reslvendo problemas de peñistas. Todo un “10” para esta xente que é tan deportivista coma nós ou máis, pero que adica gran parte do seu tempo e das suas vidas a que todos sexamos un, pois a “unión fai a forza”, e por iste motivo sobradamente merecen este recoñecemento de estar no noso cadro de honra das estrelas da semana.

++++

Informarche de que se nos estás seguindo polo móbil, que para ordenadores temos outro formato moito máis completo ca o que che pode ofrecer un mobil polas sua dimensións de pantalla.

Tamén informar que trocamos de email : admin@piratasdemuxia.es