O “Whirldwind” no centro da imaxe, con cor verde.
O porto deportivo de Muxía, “Marina Muxía”, que dirixe Marcos Trillo, tivo o pasado ano o segundo maior tránsito de veleiros das marinas deportivas de Galicia, con máis de 800 amarres i é o único que pode albergar barcos de gran embergadura, polos seus pantaláns para barcos de máis de 30 metros, e con un de preto dos 100 metros de longo. Ademáis é con diferenza o que ten maior número de amarres. Este ano está a ter un tránsito inusual para esta época do ano e ademáis é escala estratéxica para os barcos de nova factura fabricados en Francia ou Holanda, que paran no seu camiño hacia os portos portugueses, do Atlántico Sur, Mediterraneo e costa amareciana. Tanto é así que os patróns profesionais que fan estes traslados pediron que se faga en Muxía a primeira proba de mar.
O veleiro neozelandés quedará un mes atracado en Muxía.
Na tarde deste xoves 4 de Maio de 2023 chegou o “Whirldwind”, (“Torbellino”), un veleiro de Nova Zelanda do tipo cruceiro, que é o de maior eslora de todos cantos levan atracado en calquera dos portos deportivos da Costa da morte, con 37´65 metros de eslora, 7 de manga e 3 de calado, e un mastil que supera os 30 metros de altura, cun desprazamento de 85 toneladas. Construido nos astaleiros “Holland Jachtbouw” no 1998, cunha tripulación de 10 persoas. O veleiro permanecerá un mes no porto deportivo muxián.
No que se refire a iates a motor o record do porto deportivo muxián está en 43 metros, dun iate que chegou da man dun coñecido xogador internacional holandés.
Tamén chegan veleiros e goletas de gran tamaño que prefiren fondear detrás do dique de abrigo do porto deportivo, coma este pasado inverno a goleta holandesa de tres palos, “Oosterscheldae”, (“Escalda Oriental”), nome dun lugar na provincia neerlandesa de Zelanda, de 50 metros de eslora e 7´50 de manga, cun pé de fondo de 3 metros, e 370 TRB.
-Fotos e Texto : Xosé Búa “Pirata”