Galicia fíxose co Campionato de España de Fútbol Praia disputado en Cadiz na “Playa de la Victoria”, tras derrotar na tanda de penaltis a Selección Andaluza. O resultado o remate do tempo regulamentario e da prórroga era de 1-1, e na tanda de penaltis apareceu Rosio para deter dous dos penaltis e darlle o tunfo as nosas.
Xunto con Rosio, xogadora do Xallas FC, tamén estiveron Saray Duarte, xogadora do Fisober FSF e do UC Cee e Saskia Rodríguez, xogadora do Corme CF. As tres trocaron de modalidade deportiva pero leváronse, cas suas compañeiras, o título nacional.
O mércores eran os nenos da Selección Galega Infantil os que levantaban a Copa de Campións de España.
O equipo Sub17 que dirixe o liracho, adestrador do CF Dumbría, Santi Cubela xogou polo terceiro e cuarto posto con Canarias a primeira hora. Foi un partido vibrante que gañaron as canarias. Pero esta derrota non empaña o magnífico campionato feito polas galegas, que estiveron moi preto de loitar tamén polo título.
A nosa noraboa a tódalas/os que forman as Seleccións Galegas de Fútbol Praia por estes trunfos e a competitividade do resto de equipos que formaron por parte galega nos campionatos de Cádiz”.
-Fotos : RFGF
-Texto : Xosé Búa “Pirata”