ARASOLIS E BÉRTOA PASAN A CUARTOS DA “COPA DA COSTA DE VETERANOS” POR NON PRESENTACIÓN DE OZA E MAZARICOS.

 

O pasado Domingo xogábanse os Oitavos de Final da “Copa da Costa de Veteranos”, e había un par de encontros que non se disputaban, tal e como vos informamos na crónica. Un era o Arasolis FC-SD Castriz, e o outro o Sporting Bértoa-CF Mazaricos. En ambos casos o motivo polo que non se presentaban a xogar os xalleiros e os mazariquenses era a falla de efectivos por diversas causas.

A ambos equipos deuselles o encontro por perdido por “non presentación”, polo que Arasolis FC e Sporting Bértoa pasan a Cuartos, (que será a partido único), na que se verán as caras cos Veteranos SCD Malpica e SCD Buño, respectivamente. Os fisterráns como locais, pero desta volta no “Novo Cubaleiro” de Corcubión, e os bertoeses como visitantes no Xaviña, de Buño.

Os encontros están todos para ás 10:00 horas do Domingo 12 de Xuño, agás o dos fisterráns e malpicáns, que se xogará a partires das 12:00 horas.

Así quedan os Cuartos de Final

Arasolis FC-Veteranos SCD Malpica

ACD San Román-CV Leiloio

Veteranos CF Dumbría-SD San Lorenzo

SCD Buño-Sporting Bértoa

-Foto e Texto : piratasdemuxia