ACABOUSE A FASE DE ASCENSO PARA O ED AS MIÚDAS TRAS CAER EN MUROS DIANTE DO ATLÉTICO MATAMÁ

PROMOCIÓN A 1ª GALEGA FEMININA

-1ª rolda-volta-      

As muradanas despediron unha gran tempada.

ED As Miúdas 0-6 Atlético Matamá “B”

-Dura despedida que non empaña unha tempada histórica-


Era un premio o traballo de todo o ano pero acabouse a Fase de ascenso a 1ª División Galega Feminina de Fútbol, para o ED As Miúdas coa goleada sufrida ante o Atlético Matamá “B”, no “Eleuterio Balayo”,que non desluce para nada a tremenda tempada das muradanas cun extraordinario 3º posto en liga e as que lles queda por disputara a final da “I Copa da Costa de Fútbol Feminino”, ante o Bergantiños CF o 23 de Xuño.

 
 
 
  ED As Miúdas 0-6 Atlético Matamá “B”
 

Dura despedida das muradanas desta fase de ascenso cun severo correctivo a mans dun Atlántida de Matamá que foi superior nos dous partidos da eliminatoria e refrendouno con amplos marcadores. Xa no quecemento agraváronse os problemas deste treito final de temporada para as Miúdas, xa que Martina non podería empezar o duelo pola lesión do seu pe que arrastraba dende o encontro da pasada semana en Vigo, polo que os adestradores locales tiveron que recompoñer e improvisar o plan inicial, sendo o primeiro partido da temporada que ningunha das 3 capitanas formaría no once inicial.

 
As de Vigo dominaron o balón e non desaproveitaron a febleza local para buscar sentenciar a eliminatoria e antes do minuto 20 xa lucía o 0-2 no marcador e os ánimos das Miúdas non eran para ser optimistas, ainda así se defenderon con orgullo das embestidas das visitantes que movían o balón con criterio buscando ocos nas liñas muradanas, con ese dominio se chegou o descanso cun contundente 0-4 no marcador.
 
Na segunda parte mesma tónica, as de Vigo querendo máis goles, e as locales a sacar a casta para non virse abaixo, incluso Martina quixo ser da partida tirando de orgullo para non deixar soas ás suas ante o “diluvio” e puxo orde na defensa que so se vería superada 2 veces para chegar o 0-6 final.
 

Antes do pitido, coma no partido de ida, houbo un penalti para as de Muros, e si na pasada semana fora a capitana Antía a que o marrou, desta volta foi Bárbara a que mandou o balón con pouca forza e centrado para que a meta, non sin problemas e coa axuda do pau deixara a cero o marcador local. Toca agora recuperar efectivos e sobre todo sensacións para encarar a recta final co partido de final de Copa da Costa no horizonte para poñer punto e final a unha temporada na que as Miúdas foron de máis a menos lastradas de maneira notable polas numerosas lesións.

 
ED As Miúdas : Yaiza, Gala, Paula, Marcela, María de Pastora, Leti, Bárbara, Ainoa, Eva e María Dosil.
Tamén xogaron : Marta e Martina.
 
Goles : Elena, (4); Lucía e Lola Meng.

+++++++++++++++++++++++

-Se queres mandarnos algunha información e fotos de deportes, podes facelo no correo : info@piratasdemuxia.es

-Debaixo das publicidades tes como contactar connosco
se queres axudarnos poñendo a túa-

-COLABORA COA NOSA WEB-

Queres que a tua publicidade salga en todas as nosas noticias?…

Por moi pouco a tua publicidade chegará a milleiros de persoas o día, pois somos o medio de maior difusión da Costa da Morte con moita diferenza e cun espectro de alcance de pobos e persoas, moi extenso, con máis de 60.000 usuarios rexistrados e antre 20.000 e 36.579 visitas o día, triplicando ao segundo medio de comunicación máis seguido e cuadruplicando o terceiro.

Se queres anunciarte connosco e colaborar ca nosa web, contacta connosco no email info@piratasdemuxia.es ou no teléfono : 626 72 00 47.

Consúltanos que tipo de publicidade queres, por un ano cobramos menos ca outros, (de repercusión moi inferior), nun día, semana ou mes.

-Axudándonos a funcionar, axudaraste a que che coñezan-

Patrocinadores e Colaboradores

Attachment

Leave a Comment

Utilizamos cookies propias e de terceiros para o correcto funcionamiento da web. Se continúa navegando, acepta o seu uso.

ACEPTAR
Aviso de cookies