ABERTO O PRAZO PARA PODER OPTAR A UNHA ENTRADA PARA O DEPOR-ZAMORA DO VINDEIRO DOMINGO.

 

O Real Club Deportivo xestionará da seguinte forma as entradas dispoñibles para o partido do próximo domingo 28 de marzo ás 12:00 h. en ABANCA-RIAZOR ante o Zamora CF:

Só abrirase a bancada de Tribuna, cun prezo único por entrada de 6 euros e exclusivamente poderán optar a esas localidades os Socios Protectores do Real Club Deportivo.

Todos os Socios Protectores que teñan interese en poder comprar unha entrada para o partido deberán solicitalo formalmente a través da web: http://reservas.rcdeportivo.es na que deberán introducir os seus datos: nome, apelidos, ID de socio, 4 últimas cifras do DNI e correo electrónico.

Este procedemento ten tres fins: poder realizar a solicitude da entrada; en caso de adxudicación de entrada, poder notificar ao socio que ten dereito á adquisición da mesma; e, ademais, levar un control de repartición en atención á normativa sanitaria de seguimento da COVID-19.

A petición formal debe realizarse entre a publicación desta normativa e o mércores 24 de marzo ás 14:00 horas, momento no que se pechará o prazo de solicitudes de entradas para o último partido da primeira fase da Temporada en ABANCA-RIAZOR.

Unha vez pechado o prazo notificarase vía correo electrónico a aqueles que sexan adxudicatarios da posibilidade de adquirir unha entrada así como o desenvolvemento do proceso de compra, 100% telemático.

No momento da compra da entrada, asignaranse os datos de fila e asento a cada socio adxudicatario, responsable desde ese momento do uso posterior desa entrada en caso de rastrexo por COVID-19.

O Real Club Deportivo quere agradecer unha vez máis a todos os Deportivistas a súa comprensión ante as medidas adoptadas. En todo momento valoramos e tentamos cumprir cos compromisos adquiridos con cada un dos nosos socios e patrocinadores. Conscientes de que é imposible poder responder debidamente a todas as casuísticas que se expoñen, continuamos traballando día a día para lograr solucións que reduzan na maior medida posible as molestias causadas.

Cambiar imagen

-Foto e Texto : piratasdemuxia


Utilizamos cookies propias e de terceiros para o correcto funcionamiento da web. Se continúa navegando, acepta o seu uso.

ACEPTAR
Aviso de cookies