A RFGF PON EN MARCHA UNHA CAMPAÑA SOLIDARIA DE RECOLLIDA DE EQUIPAMENTO DEPORTIVO

Recollida de todo tipo de material deportivo.

 

Segundo nos informan dende a RFGF :

“A Xunta Directiva da RFGF aprobou poñer en marcha unha campaña solidaria consistente na recollida de todo tipo de equipamento deportivo que a Federación enviará a colectivos e persoas con necesidades aos que este material pode permitirlles facer deporte

O modo de proceder para aqueles clubs interesados é poñerse en contacto coa súa delegación e enviar alí o material, limpo e en bo estado, que persoal federativo procesará para o seu envío, tanto a asociacións existentes en Galicia como tamén a outras de países africanos

As recollidas de xoguetes e alimentos, as campañas de donativos e outras orixinais propostas solidarias volverán protagonizar o Nadal en Galicia. O mes de decembro está ao virar a esquina e como soe ser habitual se poñerán en marcha iniciativas solidarias de todo tipo para, polo menos, tentar sacar un sorriso aos que máis o necesitan. Gratitude, xenerosidade, empatía e unión son algunhas das características que definen a iniciativa deseñada pola Real Federación Galega de Fútbol para este ano.

A Xunta Directiva da RFGF aprobou na súa última xuntanza poñer en marcha unha campaña solidaria de Nadal consistente na recollida de todo tipo de equipamento deportivo que a gran familia do fútbol galego enviará a colectivos e persoas con necesidades aos que este material pode permitirlles facer deporte, e en particular xogar ao fútbol e ao fútbol sala. O equipamento destinarase principalmente a nenos e nenas que viven en condicións de dificultade nas que unhas meras botas usadas ou unhas camisetas de segunda man poden representar o mellor agasallo das súas vidas.

Ademais, a entidade que preside Rafael Louzán colaborará directamente coa cesión de equipamento propio e ponse a disposición de todos aqueles clubs que queiran participar tamén desta iniciativa.

Procedemento

O modo de proceder para aqueles clubs interesados é poñerse en contacto coa súa delegación e enviar alí o material, limpo e en bo estado, que persoal federativo procesará para o seu envío, tanto a asociacións existentes en Galicia como tamén a outras de países africanos que xa se puxeron en contacto coa Federación solicitando esta colaboración.

Desta maneira, o deporte rei en Galicia volve mostrar a súa cara máis solidaria”.

-Foto : Xosé Búa “Pirata”/piratasdemuxia.es

-Texto : Óscar Méndez/RFGF

++++

Informarche de que se nos estás seguindo polo móbil, que para ordenadores temos outro formato moito completo ca o que che pode ofrecer un móbil polas súas dimensións de pantalla.

Tamén informar que trocamos de email: admin@piratasdemuxia.es

Contrata a tua publicidade connosco e chegarás cada día a milleiros de persoas.

Patrocinadores e Colaboradores

Attachment

Utilizamos cookies propias e de terceiros para o correcto funcionamiento da web. Se continúa navegando, acepta o seu uso.

ACEPTAR
Aviso de cookies