A Real Federación Española de Fútbol (RFEF) comunicou este xoves ás distintas Federacións Territoriais o aprazamento momentáneo de todos os Campionatos Nacionais de Seleccións Autonómicas previstos para as próximas semanas.

O comunicado indica que “debido ao crecemento do índice de contaxios, debemos informarlles que os Campionatos Nacionais de Seleccións Autonómicas, tanto na modalidade de fútbol como na de fútbol sala, non poderán dar comezo antes do mes de abril sempre condicionado á situación sanitaria que se estea atravesando no citado mes”.

Cómpre salientar que o Campionato Nacional de Seleccións Autonómicas máis próximo a disputar era o das seleccións Sub 19 e Sub 16 de fútbol sala feminino, con sede en Galicia. Previamente xa se aprazara o masculino de Sub 19 e Sub 16 previsto para o mes de xaneiro en San Fernando (Cádiz).

Sen adestramentos

A dirección deportiva da RFGF decidiu suspender os adestramentos das Seleccións Galegas Sub 19 e Sub 16 femininas de fútbol sala previstos para a próxima semana e cuxas convocatorias anunciou a RFGF este mesmo xoves.

-Foto e Texto : futgal.es