“Duelo agónico”
Tras acumular fiasco tras fiasco, o Depor e o Pontevedra CF xogan hoxe un duelo no que o comentario é para ambolos dous o mesmo. Un encontro no que vistas as plantillas, debería ser para saber quen sería o lider do grupo, converteuse en poucos meses no encontro das decepcións, dos descalabros, das vergoñas. Unchoque vital para ambos, para loitar por estar a vindeira tempada nesta categoría que se chamará 1ª RFEF.
A ningún dos dous lles vale outra cousa que non sexa gañar.
O ENCONTRO
Depor-Pontevedra CF
Hora : 19:00/18:00 GMT
Campo : Estadio de Riazor
Árbitro : Luis Fernando Collado López, (Colexio Castelán-Manchego)
Tv : TVG2
Internet : www.crtvg.es
O ÁRBITRO
Luis Fernando Collado, no centro da imaxe.
Luis Fernando Collado López, é o colexiado que dirixirá o encontro de Riazor. Albaceteño, cumpríu os 37 anos o pasado 24 de Xaneiro, suma con esta a sua décima tempada na categoría de bronce, con 119 encontros dirixidos, dos que nesta dirixeu 5 encontros nos que amosou 31 cartóns amarelos, e un vermello, cunha media de 6,20 cartóns por encontro. Por encontros dirixidos, veteranía non lle falla, e ata fixo de cuarto árbitro en algún encontro da Primeira División, pero os seus números denotan que é un colexiado dos que pronto disparan, pois suma nos 10 anos na categoría, 645 cartóns amarelos e 46 vermellos, ca media por enriba dos 6 cartóns por choque.
A LISTA DE CONVOCADOS
Rubén de la Barrera citou a todo o seu cadro de xogadores, 22 futbolistas, para recibir ao Pontevedra CF, como xa o fixera ante o Guijuelo, no anterior encontro en Riazor.
Destacar na lista que a novidade é o regreso de Miku, que onte mesmo recibiu o visto e prace dos Servizos Médicos do Club. Así pois, co dianteiro venezolano apto, todos os xogadores branquiazuis están en condicións de xogar.
AS MANIFESTACIÓNS
-Rubén de la Barrera :PREME AQUÍ.
-Rayco : PREME AQUÍ
-Fotos : piratasdemuxia/RC Deportivo
-Texto : piratasdemuxia
-Foto árbitro : www.sportcartagena.com