A “JUDOCA” MUXÍANA LUCÍA PAZOS COMEZA A SUA ACTIVIDADE NO CENTRO DE TECNIFICACIÓN DEPORTIVA DE PONTEVEDRA

Lucia Pazos unha perla do judo galego.

 

A muxiana de Merexo, Lucía Pazos, xa é unha realidade como campiona na sua categoría e nas anteriores. Un portento de deportista esta “judoca”, que leva o nome de Muxía e da Costa da Morte, así coma o de Galicia, alá onde quer que compite e acadando preseas de ouro e copas a nivel galego e nacional.

A merexana que militaba no Club de Judo Bergantiños e da que xa vos temos falado cos seus logros, comezou esta semana a sua actividade no Centro de Tecnificación Deportiva de Pontevedra, onde estudará e fará o que máis lle gusta, adestrar en rexime interno, para seguir crecendo e de seguro que se segue así non tardaremos en vela nuns campionatos internacionais e porque non, nunhas olimpiadas.

Lucía é unha das representantes dos grandes talentos que temos na costa nos deportes chamados minoritarios, pero nos que costa moito máis facerse paso e destacar, dada a falta de apoios e recoñecementos.

Basta ver en comparación, que equipos de fútbol de calquera nivel son recibidos polos alcaldes en recepción e rapaces e rapazas, así como adultos, dos deportes minoritarios, van sumando méritos e teñen como resposta o ostracismo, e referímonos a nivel global.

-Foto : Club de Judo Bergantiños

-Texto : piratasdemuxia

Attachment

Utilizamos cookies propias e de terceiros para o correcto funcionamiento da web. Se continúa navegando, acepta o seu uso.

ACEPTAR
Aviso de cookies