A FINAL DA “COPA DA COSTA XUVENIL” SERÁ ESTE SÁBADO NO “XAVIÑA” DE BUÑO.

O Xallas levouse a Copa 2015/16 no Xaviña.

 

A gran final da “Copa da Costa Xuvenil 2021/22”, que enfrontará ao Corme CF e o Xallas FC, dous equipos que xa saben o que é gañala, terá como escenario o campo “Xaviña” de Buño, a partires das 17:30 horas, co trío arbitral ainda sen definir. Un campo no que os xalleiros derrotaban na final ao veciño dos cormeláns, o Ponteceso SD na edición 2015/16.

Os cormeláns chegaron a esta finalísima tras deixar na cuneta ao Ponteceso SD, ao que en Oitavos derrotaron en Corme por 5-1 na ida e 0-3 na volta. Nos Cuartos gañábanlle ao Outes FC 1-2 na Serra e empataban a uns en Corme. Nas Semifinais caían por 2-1 ante o campión de liga, SD Sofán, e vencían en terras cormeláns por 2-0.

Pola sua banda o Xallas FC chega a esta finalísima tras desfacerse do Muxía CF, cun axustado 2-1 na ida e gañando con solvencia na Arliña por 0-4. Nos Cuartos derrotaban na Fontenla ao Soneira SD por 3-2 e gañaban en Vimianzo por 0-2. Nas semifinais empataba a uns, (1-1) co Cabana en Santa Comba e gañaba na prórroga 1-4 nas Redondas.

-Foto e Texto : piratasdemuxia