O deportivismo no falla nunca.
O RC Deportivo pon á venda hoxe xoves 7 de abril, até esgotar localidades, a cota correspondente aos socios do Club do total de 210 entradas de cara ao partido que o vindeiro domingo 10 ás 12:00 horas, (10:00 GMT). disputan en Lezama o filial branquivermello do Atlhetic Club de Bilbao e o Dépor correspondente á 31ª xornada en Primeira RFEF.
As pouco máis de 100 entradas, ao prezo de 10 euros cada unha, ao ser en formato físico, venderanse até esgotarse, presencial e exclusivamente a socias ou socios do Deportivo, hoxe xoves 7 de 10:00 a 13:30 horas e de 16:30 a 19:00 horas e, de non esgotarse, o venres 8 e 10:00 a 13:30 horas na Oficina de Atención ao Deportivista, (OAD), do Estadio de Riazor.
Será imprescindible que a persoa que adquira as entradas, unha ou dúas por cada persoa socia, mostre o DNI orixinal (ou copia ou imaxe) de cada persoa que as vai a utilizar, e que un deles pertenza á persoa titular do abono. Cada persoa física que acuda presencialmente a despacho de billetes pode retirar un máximo de 4 entradas mostrando dous carnés de socio e o DNI de todos os destinatarios.
A Federación de Peñas do RC Deportivo tamén xestionará pola súa conta e para os seus membros a cota do total de entradas correspondente por convenio entre ambas as entidades.
-Foto : piratasdemuxia
-Texto : piratasdemuxia/Federación de Peñas7RC Deportivo