AVISO : Só poñemos os comentarios dos que nolos queiran mandar. O noso whatsapp : 626 72 00 47 está aberto a todo aquel pertencente a un club que nos queira mandar información, fotos, comentarios, vídeos, etc…
As crónicas están abertas e segundo nos cheguen máis comentarios dos colaboradores iremos subíndoas o respectivo encontro. 2
“O noso maior desexo dunhas boas festas e un feliz e ventureiro 2026 para todas/os!!!”.
UC Cee 1-2 SCDR Esteirana
O derradeiro encontro do ano na 2ª Galega Feminina G1 foi un auténtico derbi da Costa entre o UC Cee e a SCDR Esteirana, correspondente á 13ª xornada, que fora aprazado no seu día ao non poder xuntar xogadoras o conxunto esteirán debido a unha importante vaga de lesións.
O partido disputouse finalmente no campo de San Paio de Refoxos (Xallas-Cee), o terreo de xogo máis grande de toda a Costa, e volveu poñer de manifesto as dificultades da Esteirana, que chegou ao choque con só 11 xogadoras, o que obrigou ás futbolistas a realizar un enorme esforzo físico durante todo o encontro.
Nun choque pouco vistoso e marcado polas imprecisións, foi a SCDR Esteirana quen se levou os tres puntos tras impoñerse por 1-2, pechando así o ano 2025 cun triunfo de moito mérito.
O partido comezou con intensidade e axiña chegaría o primeiro tanto. Rut adiantou á Esteirana no minuto 7 (0-1), pero o UC Cee reaccionou e conseguiu o empate no 25’, por medio de Lucía Martínez (1-1). O encontro mantívose igualado ata a segunda metade, con ocasións en ambas áreas.
No minuto 72 o UC Cee quedou con dez xogadoras tras a expulsión con vermello directo da súa porteira, Valeria Senande, nunha das accións clave do encontro. Porén, as locais tiveron nese tramo as ocasións máis claras, mentres a Esteirana sufría sen saber xestionar a superioridade numérica. Finalmente, Bárbara marcou o gol decisivo no 74’ (1-2), que sería definitivo.
A competición retomará a actividade o vindeiro 11 de xaneiro de 2026, coa disputa da 15ª xornada.
Fran Figueroa (adestrador da SCDR Esteirana) :
“Último derbi do 2025 tras o partido aprazado en Cee, do que quero antes de nada agradecer a facilidade e comprensión que nos permitiu cambiar a data polas baixas que nos impedían xuntar xogadoras naquela fin de semana. Grazas a cada membro da directiva e ás propias xogadoras.
En canto ao partido, volvemos competir baixo mínimos, con dúas baixas de última hora que nos obrigaron a improvisar a liña defensiva, pero coa boa nova de ter de volta a Alba tras a longa lesión de cadeira que a tivo apartada dos campos.
O duelo non foi para nada vistoso, cheo de imprecisións nos dous bandos, con ocasións en ambas áreas, as máis claras para elas cando se quedaron con dez, e non soubemos darlle calma á superioridade numérica, permitíndolles meternos atrás. Así e todo, as nosas baleiráronse para traer uns puntos moi sufridos, e co mérito de aguantar baixo mínimos ante un gran rival nun dos campos máis complicados.
Agradecer tamén a cantas nos acompañaron nesta e noutras viaxes para dar esa forza extra ás nosas para seguir pelexando cando as forzas xa van a menos.
A encarar o 2026 esperando recuperar xogadoras e seguir aprendendo dunha categoría tan bonita como esixente…Feliz 2026 para todas e todos.”
Goles:
-
0-1, Rut (7’)
-
1-1, Lucía Martínez (25’)
-
1-2, Bárbara (74’)
Árbitro: Manuel Trillo. Amosou un único cartón, vermello directo á porteira do UC Cee, Valeria Senande (72’).
UC Cee:
Noemi, Lucía Rodríguez, Cristina, Lucía Ramos, Lucía Caamaño, Saray, Nayara, Sharay, Lucía Martínez, Laura e Sabela.
Suplentes: Valeria, Paula, Gala e Aroa.
SCDR Esteirana:
Alicia , Rut, Nerea, Marta, Melania, Bárbara, Alba, Nuria, Noelia, Lara e Sandra. Suplentes : Non tivo.
Clasificación
1º SD Tordoia : 36
2º CF Muxía : 34
3º SCD Milagrosa : 28
4º Bergantiños FC “B” : 27
5º CF Dumbría : 23
6º CF Corme : 22
7º Victoria CF “C” : 22
8º UC Cee : 21
9º Eirís SD : 20
10º SCDR Esteirana : 20
11º SD San Lázaro : 18
12º Unión Campestre : 17
13º Brexo Lema SD : 14
14º Cultural Maniños : 8
15º Orillamar SD : 6
16º AD Nicrariense : 5
17º SDC Órdenes : 3
2ª GALEGA FEMININA G1
15ª Xornada
11/01/2026
CF Corme – SCDR Esteirana
SD San Lázaro – Orillamar SD
UC Cee – Cultural Maniños
Eirís SD – CF Muxía
SDC Órdenes – CF Dumbría
Brexo Lema SD – SD Tordoia
AD Nicrariense – Bergantiños FC “B”
Unión Campestre – SCD Milagrosa
Descansa : Victoria CF “C”
.
-Foto : Fran Figueroa
-Texto : Xosé Búa “Pirata