Crístian Santos marcou o gol deportivista.
Depor 1-2 Extremadura
-Naufraxio en Riazor-
Un modesto equipo que se levou a un adestrador do Deportivo, sacoulle a relucir as vergoñas a un Depor que non foi quen de impoñerse e suma a terceira derrota consecutiva. Se comezou Riazor un campo no que practicamente os equipos visitantes non tiraban a porta, agora converteuse nun campo no que calquera se pode levar puntos, e agora non 1 coma fai un mes, agora de 3 en 3. Naufraxio total dun Depor que buscaba ascender direto e agora terá que loitar por entrar na promoción que xa queda a 4 puntos. A única boa anova a volta de Fede Cartabia e esperemos qiue para a semana se poida contar xa co Carlos Fernández para os dous encontros seguidos fora ante Numancia primeiro e Zaragoza despois.
Dani Giménez, Bóveda (Fede Cartabia, min. 62), Domingos Duarte, Pablo Marí, Diego Caballo, Pedro, Didier Moreno (Pedro Mosquera, min. 69), Vítor Silva (Christian Santos, min. 46), Edu Expósito, Borja Valle e Quique.
Goles : 0-1 Olabe (min. 23); 0-2 Pardo (min. 58); 1-2 Christian Santos (min. 89).
Árbitro: López Toca (c. cántabro). Cartón amarelo a Pablo Marí (min. 37), Vítor Silva (min. 39), Didier Moreno (min. 44), Olabe (min. 47), Casto (min. 52) e Gio Zarfino (min. 71).
Incidencias: Partido correspondente á 35ª xornada de LaLiga 1|2|3 no Estadio ABANCA-RIAZOR ante 16.649 espectadores. No descanso, o CRAT recicibió a homenaxe do Deportivismo pola recente consecución do título de Liga Iberdrola Feminina.
José Luis Martí manifestou na sala de prensa de ABANCA-RIAZOR que cre “nestes futbolistas porque mo demostran día a día. Eles son os primeiros que queren conseguir os 3 puntos hoxe. Non foi posible. A partir de aí non queda outra que empezar a traballar, corrixir os erros que se cometeron para tentar mellorar e o venres seguinte estar preparados para volver competir”.
O técnico deportivista explica que “durante a semana ensináronme (os xogadores) o gran potencial que teñen. Para os afeccionados, para o Deportivo, o único potencial que debemos demostrar é o feito de gañar. Non queda outra. A partir de aí este partido dóenos, amólanos moito a todos. Pero hai que traballar o seguinte encontro, repoñer estas forzas, corrixir os erros, tentar buscar outras alternativas”.
Insiste en que “non imos baixar os brazos. Todo o contrario. Nestas situacións é cando o equipo ten que esixirse máis. Eu o primeiro. Ser capaz de convencerlles de que todo é posible, de que temos que chegar ao venres nas mellores condicións posibles para competir, para volver gañar, para engancharnos, para volver estar mirando onde todos os afeccionados queren”.
José Manuel Mosquera
“Desde o minuto 1 fomos superiores. Pechamos todo o bo que ten o Dépor. Fixemos que xogadores tan bos xogasen pouco, a contragusto. Iso é froito destes xogadores que teño, que son uns auténticos cracks. Merécense todos os eloxios”.
Dani Giménez
Dani Giménez, un dos capitáns, e o goleador esta tarde Christian Santos atenderon aos medios de comunicación na zona mixta de ABANCA-RIAZOR.
O meta deportivista, preguntado sobre o seu erro que supuxo o segundo tanto do Extremadura UD, apunta que “os porteiros vivimos con iso. Tes que dar exemplo ao resto do equipo de ser forte mentalmente e de que cando pasen estas cousas malas tirar para adiante. É o que me fixo chegar aquí”.
Cre que hai “moitas causas” que poden explicar a mala serie de resultados do equipo: “O rendemento individual non é bo. Eu tiven un erro dos que temos os porteiros de cando en vez. Agora é cando hai que demostrar o seguinte partido que non che afecta. O equipo está a ter resultados negativos, ás veces con xogo que é o que non esperamos, e pouquiño a pouco vainos minando. Isto non é así, cada partido é un partido distinto”.
Dani Giménez cre que a clasificación “é a que nos merecemos a día de hoxe”. No entanto, insiste en que “creo moito no equipo”; iso si, “sendo realistas, a pelexar polo playoff. E vai ser unha pelexa moi difícil”.
Cualifica o grupo de “moi bo”, pero “quizais demasiado homoxéneo en canto a dar ese paso adiante todos. Non é unha procura de líder, porque se demostrou que estar a tirar 2 ou 3 xogadores non fai que todo o equipo vaia detrás, pero si dun liderado individual de cada un, de que teño que facelo o mellor posible e tolerar o erro. Se dás un pase malo, ao seguinte hai que facelo bo”.
Crístian Santos
Recoñece que o Dépor “está nun momento difícil. Hai que manter a calma, estar xuntos, falar, dicir as cousas”.
O internacional venezolano pide “estar xuntos máis que nunca e tratar de sacar o partido do venres adiante”.
-As manifestacións son unha xentileza de rcdeportivo.com-
++++++++++++++++++++++
-Se queres mandarnos algunha información e fotos de deportes, podes facelo no correo : info@piratasdemuxia.es–
Debaixo das publicidades tes como contactar connosco
se queres axudarnos poñendo a túa-
-COLABORA COA NOSA WEB-
Queres que a tua publicidade salga en todas as nosas noticias?… Por moi pouco a tua publicidade chegará a milleiros de persoas o día, pois somos o medio de maior difusión da Costa da Morte con moita diferenza e cun espectro de alcance de pobos e persoas, moi extenso, con máis de 60.000 usuarios rexistrados e antre 20.000 e 36.579 visitas o día, triplicando ao segundo medio de comunicación máis seguido e cuadruplicando o terceiro. Se queres anunciarte connosco e colaborar ca nosa web, contacta connosco no email info@piratasdemuxia.es ou no teléfono : 626 72 00 47. Consúltanos que tipo de publicidade queres, por un ano cobramos menos ca outros, (de repercusión moi inferior), nun día, semana ou mes. -Axudándonos a funcionar, axudaraste a que che coñezan-