A CRÓNICA : DEPOR 1-1 CORNELLÁ : “MAL”.

Os xogadores sairon cunha camiseta de ánimo para Barbero.

 

Depor 1-1 Cornella

Nos estivo mal a primeira metade do Depor, dominou, pechou o rival no seu campo e chegou arriba con fluidez e adiantouse no marcador. Todo apuntaba a que co marcador aberto os visitantes deixasen de pertrecharse tanto atrás coa defensa de 5 e na procura dalgunha contra e algún balón parado, pero esto non trocou nen sequera na segunda metade e conseguírono. Valcarce que xogou de falso 9 ante as numerosas baixas na parte de arriba tivo o gol nunha xogada similar o gol de Salamanca, pero desta vez non estivo atinado.

Cinco minutos de canguela dos deportivistas, varias contras e varios balóns parados do adversario e chegou o gol do empate, con moita fortuna. Un saque de banda colgado, saltan 3 a despexar, o balón cáelle morot no área a Andreu i este non perdoa. Xa antes Pablo Martínez sacara un gol con marchamos de gol.

Tocou arrebato, pero con moita presa a hora de rematar a gol. Tívoa clarísima Balenziaga, pero só ante o porteiro rematoulle de testa as mans, cando podería facer o que quixera. A entrada do canteirán Martín Ochoa e o debút de Salva Sevilla deron outro sentido o ataque, pero o gol non chegou e xa van 3 encontros en Riazor sen conseguir a vitoria. Desta volta as sensacións non foron boas.

Mal o de deixar xa 6 puntos en Riazor, pero esto non acaba máis ca de empezar. para seman volve Lucas e osixenará un pouco a falla de xente de ariba. Yeremay ainda ten para duas ou tres semanas e Mella tamén podería ter presenza a semana que ven.

Así nos contan dende o RC Deportivo o que pasou no encontro minuto a minuto :

O Deportivo sumou un novo empate na visita do UE Cornellà a ABANCA-RIAZOR, noutro partido en #ANOSACASA no que se mostrou moi superior ao seu adversario pero non conseguiu plasmalo no marcador a pesar de marcar o seu primeiro tanto como local despois de dúas xornadas sen ver porta.

Imanol Idiakez, técnico deportivista, realizou dous cambios con respecto ao once inicial que presentou o pasado sábado en Salamanca. Ximo Navarro e Barbero, os dous lesionados, deixaron o seu sitio a Paris Adot e Pablo Valcarce.

O maior dominio e control do xogo por parte do Dépor non se viu plasmado en oportunidades claras de gol, aínda que os branquiazuis roldaron a portería de Rubén Miño en numerosas ocasións. Os únicos remates no primeiro cuarto de encontro producíronse en senllos saques de esquina, cabeceados moi desviados por Pablo Martínez e Jose Ángel.

O primeiro disparo a porta foi obra da UE Cornellà, no minuto 16. O hispano-senegalés Mamor Niang correu toda a banda esquerda e cedeu cara ao extremo contrario para Canario, que ao primeiro toque deixou a pelota na frontal da área para Clau Mendes. O dianteiro internacional por Guinea-Bissau xunto ao fabrilista Iano Simão disparou duro e raso pero centrado e Germán atrapou o esférico.

O primeiro disparo claro do Dépor chegou no minuto 24. Pablo Valcarce enviou un zurdazo desviado despois dunha deixada atrás de Cayarga.

Á media de hora, o Dépor abriu o marcador nun novo saque de esquina que Hugo Rama executou á perfección cara á cabeza de Pablo Vázquez, que excedeu a toda a defensa catalá para levar o coiro ao fondo das mallas. Foi o primeiro tanto deportivista esta temporada en ABANCA-RIAZOR. No último cuarto de hora do primeiro período o Dépor controlou o tempo para levar o partido ao descanso con comodidad.

Con todo, á volta de vestiarios, os branquiazuis cambiaron unha marcha en pos dunha vantaxe máis cómoda. No minuto 47, un dereitazo de Hugo Rama desde 25 metros desviouno Rubén Miño a córner. No minuto 51 produciuse un zurdazo desviado de Davo após recortar ao seu marcador cun control orientado en carreira nun pase en profundidade de Diego Villares.

A mellor ocasión do UE Cornellà chegou no minuto 55. Clau Mendes, practicamente pegado ao segundo pau só, rematou fóra despois de que Toni Arranz cabecease un córner chegando desde atrás.

O Dépor respondeu no minuto 63, cunha chegada a liña de fondo de Paris, que a puxo forte e rasa na área pequena, superando ao porteiro visitante, pero nin Pablo Valcarce nin Hugo Rama chegaron a rematar por escasos centímetros.

Os coruñeses parecían ter controlado o partido ata que unha acción de estratexia volveuse na súa contra. A defensa non foi capaz de despexar un saque de banda na dereita do ataque catalán e o balón caeu morto a pés de Andreu Hernández que fusilou a Germán para empatar o encontro. Corría o minuto 69.

A partir de entón, o Dépor envorcouse para tratar de facer o gol da vitoria. Martín Ochoa, que entrara a un cuarto de hora para o final xunto ao debutante Salva Sevilla, cabeceou desviado a centro de Paris Adot no minuto 77. Dez minutos despois, o dianteiro rioxano internouse veloz pola dereita e pasou a pelota cara á media lúa para a chegada desde atrás de Pablo Valcarce, cuxo dereitazo por alto sacou a córner Rubén Miño. Foi unha acción moi parecida á do tanto da pasada xornada en Salamanca.

Xa en tempo engadido, o UE Cornellà tivo nas súas mans os tres puntos. Foi nun contragolpe conducido por Clau Mendes, que deixou completamente só a Marc Tenas, man a man con Germán, que detivo o seu tiro cruzado.

A mellor ocasión dos branquiazuis na prolongación tívoa Balenziaga, que peiteou picado un preciso centro de Jose Ángel. Con todo, o gardameta visitante fíxose co balón.

Con este novo empate, o cuarto en 5 xornadas, o Dépor continúa sen coñecer a derrota no campionato e suma 7 puntos. 

RC Deportivo: Germán, Paris Adot, Pablo Vázquez, Pablo Martínez, Balenziaga, Diego Villares (Diego Gómez, min. 86), Jose Ángel, Davo (Martín Ochoa, min. 74), Hugo Rama, Cayarga (Salva Sevilla, min. 74) e Pablo Valcarce.

UE Cornellà: Rubén Miño, Kike López (Adam, min. 74), Andreu Hernández, Sergio Ayala, Vilaplana, Eudald, Caballero (Koffi, min. 89), Toni Arranz, Canario (José Mas, min. 74), Mamor Niang (Marc Tenas, min. 64) e Clau Mendes.

Goles: 1-0 Pablo Vázquez (min. 31); 1-1 Andreu Hernández (min. 69).

Árbitro: Manuel Pozueta Rodríguez (c. cántabro). Cartón amarelo a Cayarga (min. 58), Toni Arranz (min. 85) e Vilaplana (min. 90).

Incidencias: partido da 5ª xornada do grupo 1 de Primera Federación disputado no Estadio ABANCA-RIAZOR ante 22.130 espectadores.

 

-Foto : RC Deportivo

-Texto : Xosé Búa “Pirata”/RC Deportivo

-Vídeo : RFEF

Attachment

Utilizamos cookies propias e de terceiros para o correcto funcionamiento da web. Se continúa navegando, acepta o seu uso.

ACEPTAR
Aviso de cookies