Non houbo ningún resultado definitivo na ida das semifinais da promoción de ascenso a 1ª Galicia G2 A Costa/Santigo, polo tanto todo queda para decidir o vindeiro Domingo no campo A Arliña, (Muxía), e no da Grixa, (Ponte do Porto). Antes Muxía e Porteño dirimirán quen pasa a final da Copa da Costa nun choque no campo dos porteños o vindeiro venres a partires das 21:00 horas.
CF Mazaricos 1-0 CF Porteño
Día : 19/05/2024
Hora : 12:00
Campo : A Peña d´ouro, (Pino do Val)
Árbitro : Óscar Martínez Santos
Árbitros asistentes : Adrián Ponte e Alexandre García
Viña o Porteño dun encontro moi disputado na Copa ante o Muxía o pasado venres, con moi poucas horas de descanso e varias baixas, pero aguantou a intensidade do Mazaricos que se poñía por diante aos 50 minutos de xogo cun tanto de Adrián Cives. Un gol que é curta bagaxe para visitar o vindeiro Domingo o campo da Grixa, pero que da certa ventaxe aos mazariquenses.
Outes FC 1-1 CF Muxía
Día : 19/05/2024
Hora : 17:00
Campo : O Conchido, (Outes)
Árbitro : Alejandro Tato Gómez
Árbitros asistentes : David Castreje e Chrístian Sendón
O igual co Porteño o Muxía chegaba tras disputar o pasado venres unha semifinal da Copa da Costa moi física, pero aguantaron a un Outes que ven de facer un gran campionato e que se adiantaba aos 58 minutos de xogo cun gol de Iván Lago. Non decaeu o equipo muxián e conseguía empatar 9 minutos despois por medio de Iago Muiño, deixando os deberes para o encontro de volta na Arliña.
-Foto e texto : Xosé Búa “Pirata”