3ª DA COSTA
30ª Xornada, (Derradeira)
Domingo 17/05/2026
SD Camelle 7-3 CF Muxía “B”
Volantes de Baño FC 4-3 SD Oza
SCD Buño 3-8 CD Baiñas
SD Coristanco 1-2 UD Cerqueda
Sporting Seaia CF 4-1 UC Cee
SD Laxe 3-0 CF Lira
Atlético Pereiriña FC 6-1 Inter de Brens
Descansou : CD Nantón
.
Un muxián, (Esperante), contra outro muxián, (Roi), no Camelle-Muxía “B”.
CRÓNICA
A 3ª da Costa baixou o pano cunha derradeira xornada chea de emoción, despedidas, contas de promoción e co ollo xa posto no terremoto que pode traer a vindeira tempada. Porque como xa sabedes non hai descensos nesta categoría pero o curso que vén a categoría promete ser unha auténtica ligaza
Os arrastres da Liga da Costa xa están practicamente asegurados coas caídas de Camariñas FC, SD Fisterra e Esteirana SD desde Primeira Futgal, e se o Xallas FC non logra o ascenso, podería haber ata cinco equipos perdendo a categoría na Liga da Costa. Un aviso para navegantes.
No medio dese ambiente de tensión competitiva, a promoción acabou collendo claro acento ceense e malpicán. O UC Cee e o Atlético Pereiriña FC xa tiñan os deberes feitos, pero faltaba por decidir quen os acompañaría. E aí apareceron dous equipos que chegaron ao momento decisivo coa navalla entre os dentes: Sporting Seaia CF e UD Cerqueda.
O Seaia non fallou ante un Cee xa clasificado, pero que vendeu cara a derrota. Os de Malpica impuxéronse por 4-1 nun partido no que se notou desde o primeiro minuto quen se xogaba a temporada. Tamén cumpriu o Cerqueda, que se repuxo nas derradeiras xornadas do traspé en Muxía e sacou tres puntos de ouro no difícil campo do subcampión, a SD Coristanco, cun triunfo por 1-2 que valeu media vida.
E quen quedou ás portas foi unha SD Laxe que merece todos os aplausos, tras como sabedes pasou media liga de colista ou en descenso e rexurdiu coma o Ave Fenix pero acabou cas ás derretidas o achegarse o sol. Os laxenses pecharon a liga cun claro 3-0 sobre o CF Lira, pero os resultados nos outros campos deixáronos sen premio. Aínda así, o final de curso do cadro laxense foi espectacular, recuperando identidade, xente da casa e ilusión na bancada. Un proxecto que semella ter futuro despois de como xa vos temos comentado a renovación da directiva e do enorme traballo feito esta campaña.
Por arriba, o campión SD Oza despedíuse da liga cun tropezo intranscendente en Muros, caendo 4-3 ante o Volantes de Baño FC, pero deixando unha temporada de auténtico dominio, pechando con 75 puntos. O Coristanco remata segundo cunha campaña moi sólida, mentres o Cee completa o podio.
Na zona media destacou a goleada do CD Baiñas en Buño, un espectacular 3-8 para despedir a temporada ao grande, mentres o SD Camelle tamén quixo regalar goles á súa xente nun tolo 7-3 diante do CF Muxía B, que valeu para a depedida do mítico Carlos de Dido tras 16 tempadas no clube do seu pobo e do seu corazón, choque no que ademáis como bo colofón marcou 4 dos goles e recibeu o cariño a coro de toda a afección e compañeiros.
Penalty parado por Roi “Pirata” do Camelle
E por abaixo, o Inter de Brens puxo punto final a un curso moi duro cunha contundente derrota ante un Pereiriña nun derbi que vale para os da Feiranova para á promoción a que chegan coa moral disparada tras o 6-1.
Rematou así unha 3ª da Costa que tivo de todo: goleadas, (47 goles en 7 partidos), emoción ata o final, despedidas de veteranos, rexurdimentos inesperados e moitos equipos preparando xa unha próxima temporada que promete ser das máis atractivas dos últimos anos na categoría.
.
Clasificación Final
1º SD Oza : 75
2º SD Coristanco : 67
3º UC Cee : 53
4º Atlético Pereiriña : 48
5º Sporting Seaia : 46
6º UD Cerqueda : 46
7º SD Laxe : 44
8º CD Baiñas : 42
9º SCD Buño : 38
10ºSD Camelle : 30
11º Volantes de Baño FC : 29
12º CD Nantón : 27
13º CF Muxía B : 22
14º CF Lira : 20
15º Inter de Brens : 13
.