3ª DA COSTA
20ª Xornada
Domingo 01/03/2026
CF Lira 1-0 Inter de Brens
CF Muxía “B” 2-1 CD Baiñas
UC Cee 0-1 SD Oza
UD Cerqueda 0-1 SCD Buño
SD Coristanco 7-1 SD Camelle
Sporting Seaia CF 2-0 Volantes de Baño FC
CD Nantón 3-2 Atlético Pereiriña FC
Descansou : SD Laxe
AVISO : Os comentarios individuais poñemos os que nos chegan, non pedimos a ninguén. Son baixo a responsabilidade de quen os manifesta e poden mandarnos desde calquer club ou adestrador o whatsapp 626720047. As crónicas quedan abertas para a sua ampliación ante a chegada de comentarios.
CRÓNICA XERAL
A 20ª xornada da 3ª da Costa comeza a aclarar o panorama na zona alta cando restan dez xornadas e 30 puntos aínda por disputarse, Oza e Coristanco teñe a sartén polo mango de cara o ascenso direto e a loita polo título, pero tamén deixa aberta unha intensa batalla polos postos de promoción, onde cada fin de semana provoca movementos significativos.
O gran beneficiado da xornada foi novamente o SD Oza, que continúa nun momento extraordinario e sumou unha nova vitoria de enorme valor competitivo ao impoñerse no campo do UC Cee, terceiro clasificado. O conxunto ocense ampliou a súa vantaxe co terceiro e reforza a sensación de equipo sólido e fiable nun tramo decisivo do campionato.
Tampouco fallou o SD Coristanco, que protagonizou a goleada da semana cun contundente triunfo ante o Camelle, mantendo o pulso polo primeiro posto e deixando claro que a pelexa polo título segue viva.
Por detrás, a zona de promoción está máis aberta ca nunca. O Sporting Seaia deu un paso importante ao superar ao Volantes e ascende posicións, mentres o Buño levou o derbi ante o Cerqueda, ao que supera na clasificación e afonda a súa mala dinámica.
Un dos resultados máis destacados chegou en Nantón, onde o conxunto local freou a progresión do Atlético Pereiriña nun encontro cheo de emoción ata o desconto. Ademais, o filial do Muxía logrou unha valiosa vitoria ante o Baiñas que lle permite recurtar distancias coa zona media.
Co Laxe descansando nesta xornada, a igualdade polos postos nobres mantense intacta e todo apunta a unha recta final apaixonante pola promoción e olo título que xa é practicamente cousa de dous.
CRÓNICAS INDIVIDUAIS
CF Lira 1-0 Inter de Brens
Partido trabado e con pouco ritmo no que o Lira soubo resistir e golpear no momento decisivo. Os locais, condicionados polas baixas, apoiáronse en varios xuvenís para sacar adiante un encontro igualado no que ambos equipos tiveron opcións. O porteiro Adrián resultou clave antes do descanso e, cando todo apuntaba ao empate, apareceu Xurxo no tempo engadido para decidir.
Goles: 1-0 Xurxo (90´).
Óscar Leis (adestrador do CF Lira) :
“Unha nova semana acumulando baixas, pero competindo ben coa axuda dos rapaces do xuvenil, ata sete na convocatoria. O partido non tivo moito ritmo e si moitas interrupcións. Empezamos ben tratando de mover o balón con velocidade, pero as ocasións que tivemos non as aproveitamos.
O Inter foi co paso dos minutos a máis e tamén dispuxo de algunha ocasión boa para adiantarse, pero Adrián, xuvenil de primeiro ano, estivo moi ben na portería evitando o gol de Javichu nun remate de cabeza. No último minuto da primeira parte Iván París marcaría un golazo de falta, pero o árbitro anulouno xa que un xogador noso estaba a menos da distancia regulamentaria da barreira rival.
No descanso falamos de darlle máis ritmo á circulación de balón para tratar de facerlle dano ao rival, pero non o logramos ata que entraron Xabi Domínguez e Martiño, que imprimiron máis criterio ao xogo e foron os nosos mellores minutos. No 90, o xuvenil Xurxo recolleu un rexeite tras un balón parado e puxo o balón na escuadra para darnos os tres puntos.”
CF Muxía B 2-1 CD Baiñas
Triunfo de mérito do filial muxián nun partido intenso que mudou antes do descanso coa expulsión visitante. O encontro tivo alternancias no marcador, pero os locais souberon aproveitar a superioridade numérica para decidir no tramo final.
Goles: 1-0 Iván Sambad (20´); 1-1 Raúl (22´); 2-1 Javi Rey (79´).
Incidencias: expulsado Esteban Lado (43´).
UC Cee 0-1 SD Oza
O duelo estrela da xornada resolveuse cun final espectacular. Nun partido equilibrado e moi disputado, o líder demostrou a súa pegada competitiva cunha chilena espectacular de Moreno xa no minuto 90, levando tres puntos que poden resultar decisivos polo ascenso a longo prazo.
Goles: 0-1 Moreno (90´).
UD Cerqueda 0-1 SCD Buño
Derbi intenso e moi trabado, marcado polas interrupcións e o elevado número de cartóns. O Buño soubo aproveitar mellor as súas opcións e levou o triunfo grazas a un tanto de Andrés mediada a segunda metade. O Cerqueda acabou moi condicionado polas expulsións.
Goles: 0-1 Andrés (85´).
Incidencias: expulsados do Cerqueda, Jesús Eirís (66´ e 81´) e Gustavo (95´).
SD Coristanco 7-1 SD Camelle
Exhibición ofensiva do Coristanco, que deixou o encontro practicamente resolto antes do descanso cunha saída fulgurante. Iván Pastoriza liderou a goleada nun partido sen historia que reafirma o gran momento dos locais.
Goles:
1-0 Iván Pastoriza (7´);
2-0 Jairo (9´);
3-0 Iván Pastoriza (12´);
4-0 Daniel Castiñeiras (14´);
5-0 Iván Pastoriza (45´);
5-1 Lucas Dios (77´);
6-1 Pablo Pose (80´);
7-1 Pablo Pose (83´).
Sporting Seaia CF 2-0 Volantes de Baño FC
O Seaia mostrou solidez e aproveitou mellor as súas ocasións ante un Volantes condicionado polas expulsións. Os locais controlaron o ritmo do encontro e certificaron unha vitoria clave para seguir mirando cara arriba.
Goles: 1-0 Manuel Castro (31´); 2-0 Alejandro (66´).
Incidencias: expulsados Dumont (23´) e Alejandro Louro, do Volantes.
CD Nantón 3-2 Atlético Pereiriña FC
Un dos partidos máis emocionantes da xornada. O Nantón golpeou con forza no último tramo e resistiu o empuxe final visitante nun choque cheo de alternativas e intensidade ata o desconto.
Goles:
1-0 Antonio (pp., 31´);
1-1 Oliver (p., 33´);
2-1 Iago Torres (75´);
3-1 Alejandro (77´);
3-2 Diego Oca (92´).
Incidencias: expulsado o técnico local Adrián Varela (70´).
.
CLASIFICACIÓN
1º SD Oza — 51 pts
2º SD Coristanco — 47 pts
3º UC Cee — 35 pts
4º Atlético Pereiriña — 32 pts
5º Sporting Seaia CF — 31 pts
6º SD Laxe — 29 pts
7º SCD Buño — 28 pts
8º UD Cerqueda — 26 pts
9º CD Baiñas — 26 pts
10º Volantes de Baño FC — 23 pts
11º SD Camelle — 19 pts
12º CD Nantón — 18 pts
13º CF Lira — 17 pts
14º CF Muxía B — 12 pts
15º Inter de Brens — 7 pts
CF Muxía “B”
3ª DA COSTA
21ª xornada
Domingo 08/03/2026
Volantes de Baño FC – CF Lira
CD Baiñas – UC Cee
SD Oza – UD Cerqueda
SD Camelle – Sporting Seaia CF
Inter de Brens – CF Muxía “B”, ás 17:00
SD Laxe – SD Coristanco, ás 17:00
SCD Buño – CD Nantón, ás 18:00
Descansa : Atlético Pereiriña FC
AVISO : Os horarios non son firmes.
-Fotos : Marina Busto
-Texto : Xosé Búa “Pirata”
-Comentarios : Propios dos adestradores